2Akor 3:3 - ÎVUKU RÎA ÛVORO MWARO

³ Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.

2Akor 3:3 ပူးပေါင်းရင်းမြစ်များ

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Thaburi 42:2

Nînyonderete Ngai, Ngai ûrîa ûtûûraga mwoyo. Ngaakinya gwake rî mone ûthiû wake?

Thaburi 84:2

Nînîrerirîria gûtûûra hekarûrî ya Ngai-Mûnene. Ngoro na mwîrî wakwa wonthe nîcinagîra Ngai ûrîa ûtûûraga mwoyo ikenete.

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:15

Musa nîwanyûrûrûkire kuuma kîrîmarî akuîte ivengere cia mathiga ciandîkîtwe Maathani mîena yoîrî.

Ntha 34:1

Ngai-Mûnene nîwerire Musa atîrî, “Rûtha ivengere cia mathiga igîrî wata irîa cia mbere na nîngwandîka ivengererî icio ciugo irîa ciarî ivengererî cia mbere irîa wenyûrangire.

Nthi 3:3

Ndûkareke wathîki na wîvokeku ciume kûrî we; ciovagîrîre ngingorî ta mûkathî, na ûciandîke ngororî yaku.

Nthi 7:3

Manyite na ndûkamarekie, maige ngororî yaku.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 17:1

Ngai-Mûnene augîte atîrî, “Mevia ma andû a Juda mandîkîtwe na karamu ga cuuma; macoretwe ngororî ciao na mûthiia mûûgî wa îthiga rîa goro, na magacorwa mîthiiarî yenyu ya metha cia magongoona.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Ezek 11:19

Nîngaamûva ngoro njerû na roho mûcerû. Nîngaamûthengutîria ngoro îrîa nyûmû ta îthiga na nîmûve ngoro mbathîki.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 3:7

Watho ûrîa waretire gîkuû wandîkîtwe ivengererî cia mathiga. Naguo waûkire ûrî na riiri wa Ngai ûrîa watûmire ûthiû wa Musa ûkenga mûno na andû a Isiraeli matingîavotire gwîkara maûroretie. Nwatî vuvarî riiri ûcio nîwathirire.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

Ahib 10:16

“Gîkî nîkîo kîrîkanîro kîrîa ngaarîkanîra nao mîthenyarî îrîa îgaûka. Ûguo nîguo Mwathani akuga. Nîngekîra mawatho makwa ngororî ciao, na nîmandîke meciriarî mao.”

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

Kûguû 2:1

“Andîka kûrî mûraika wa kanitha ûrîa ûrî Efeso atîrî: “Îno nî ndûmîrîri kuuma kûrî ûrîa ûgwete njata irîa mûgwanja njararî yake ya ûrîo, na nîke ûceeraga gatagatî ka indo mûgwanja cia thaavu cia kwigîrîrwa taa.

Kûguû 2:12

“Andîka kûrî mûraika wa kanitha ûrîa ûrî Perigamoni atîrî: “Îno nîyo ndûmîrîri kuuma kûrî ûrîa ûrî na rûviû rûûgî mîena yoîrî.

Kûguû 2:18

“Andîka kûrî mûraika wa kanitha ûrîa ûrî Thîatira atîrî: “Îno nîyo ndûmîrîri kuuma kûrî Mûriû wa Ngai, ûrîa ûrî na metho makanîte ta mwaki mûkengu mûno. Nacio nyarîrî ciake ikengaga ta cuuma ya gîcango.

Kûguû 2:8

“Andîka kûrî mûraika wa kanitha ûrîa ûrî Simurina atîrî: “Îno nîyo ndûmîrîri kuuma kûrî ûrîa arî ke wa mbere na wa mûthiia, Ûrîa wakwire na akîriûka.

Kûguû 3:1

“Andîka kûrî mûraika wa kanitha ûrîa ûrî Saridi atîrî: “Îno nîyo ndûmîrîri kuuma kûrî ûrîa wathaga maroho mûgwanja ma Ngai na ûrîa ûnyitîte njata mûgwanja. Nie nîmbîcî ciîko cienyu. Nîmbîcî mwonekaga takwa mûrî mwoyo, nwatî mûrî akuû.

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Kûguû 3:22

“Mûndû wa wonthe ûrî na matû ma kwîgua nîathikîrîrie ûrîa Roho areera Makanitha!”

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”