2Akor 3:17 - ÎVUKU RÎA ÛVORO MWARO

¹⁷ Na rîu Mwathani nîke Roho, na varîa Roho wa Mwathani ûrî, vethagîrwa varî na wîyathi.

2Akor 3:17 ပူးပေါင်းရင်းမြစ်များ

Thaburi 51:12

Njokeria gîkeno Kîam ûvovokio waku, na ûmbîkîre wendi wa gûkwathîkîra.

Johana 6:63

Roho wa Ngai nîke ûvecanaga mwoyo. Mwîrî ndûvecanaga mwoyo. Ciugo icio namwîra nîcio itûmaga mûgîe na Roho wa Ngai ûrîa ûvecanaga mwoyo.

Johana 8:32

Nîmûkaamenya ûma na ûma nîûkaamûruta ûkomborî.”

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

1Akor 15:45

Mandîkorî Matheru kwandîkîtwe atîrî, “Mûndû wa mbere kûmbwa na nîke Adamu, nîwatuîkire mûndû ûrî mwoyo.” Nwatî Adamu wa mûthiia nîwatuîkire Roho ûrîa ûvecanaga mwoyo.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

Agal 4:6

Na nîguo Ngai onanie atî tûrî ciana ciake, nîwatûmire Roho wa Mûriû wake ngororî cietû. Roho ûcio nîke ûtûmaga twîtane Vava.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

2Tim 1:7

Nîûndû Roho ûrîa Ngai atûvete ndûtûmaga tûgîe na guoya, vandû va ûguo Roho wake atûmaga tûgîe na ûvoti, wendo na ûvoti wa kwînyitia maûndûrî.