2Akor 3:14 - ÎVUKU RÎA ÛVORO MWARO

¹⁴ Nwatî meciria mao nîmaaûmirue, wana nginya ûmûnthî meciria mao methagîrwa marî makunîkîre na gîtambaa wata kîu rîrîa makûthoma Kîrîkanîro kîrîa gîkûrû. Gîtambaa kîu kîmakunîkîrîte meciria kîrutagwa vo tu na njîra ya Kristû.

2Akor 3:14 ပူးပေါင်းရင်းမြစ်များ

Thaburi 69:23

Matue ndumumu nîguo matikavote kwona! Tûma mîrukuthu yao îthagîrwe îtarî na vinya vîndî cionthe!

Isaia 25:7

Îgûrû rîa kîrîma gîkî nîkuo Ngai-Mûnene akaathengutîria andû onthe gîtambaa kîrîa kîmakunîkîrîte, gîtambaa kîrîa gîkunîkîrîte mavûrûri monthe.

Isaia 44:18

Andû acio matiîcî ûndû, wana kana mecirie. Nîavinge metho mao, nîguo matikavote kwona, na makavingwa meciria mao, nîguo matikavote gûtaûkîrwa.

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Isaia 59:10

Tûthiîcaga tûkînyitanyitaga rûthingo ta itumumu, tûnyitanyitaga njîra ta andû matarî na metho. Tûvîngagwa mûthenya riûa rîrî îgûrû kîvîrî takwa kûrî ûtukû, tue twîkariî ta andû marî akuû tûrî gatagatîrî ka arîa marî vinya.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Ezek 12:2

“Mûndû, we ûtûûranagia na andû aremi. Marî na metho ma kwona nwatî mationaga, marî na matû ma kwîgua nwatî matiîgucaga,

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Mathaayo 16:17

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.

Mathaayo 6:23

nwatî ethîrwa metho maku tî maro, mwîrî waku wonthe ûkethagîrwa wîcûrîte nduma. Kwoguo ethîrwa ûtheri ûrîa ûrî ndaarî yaku nî nduma na kaî nduma îo nî nene-î!

Johana 12:40

“Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

Johana 12:46

Nie mbûkîte ta ûtheri gûkû nthî nîguo andû onthe arîa mambîtîkagia matigekare ndumarî.

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

Ciîko 15:21

O matiagîrîrwe nî gwîka maûndû mama nîûndû Watho wa Musa nîwîthîrîtwe ûkîthomithanua matûûrarî monthe kwa îvinda îraca. Watho ûcio nwa ûthomagwa mavoerorî mûthenya wa wonthe wa thavatû.”

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

2Akor 3:15

Wana ûmûnthî vîndî îrîa yonthe makûthoma watho wa Musa, methagîrwa marî akunîkîre meciria mao na gîtambaa.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Aefeso 4:18

Matitaûkagîrwa na gûtirî ûndû maicî nîûndû wa ûmû wa ngoro ciao. Kwoguo matigîcaga na ûtûûro ûrîa ûvecanagwa nî Ngai.