2Akor 13:9 - ÎVUKU RÎA ÛVORO MWARO

⁹ Tue nîtûkenaga rîrîa tûtarî na vinya namue mûrî na vinya. Kwoguo ûrîa tûvoyaga nî atî mûtuîke agîrîru.

2Akor 13:9 ပူးပေါင်းရင်းမြစ်များ

Aroma 15:2

Wa mûndû nîwagîrîrwe nî gûkenia mûndû ûrîa mariganîtie nake nîguo wîtîkio wa mûndû ûcio ûgîe na vinya.

1Akor 1:10

Ariû na aarî a îthe wetû, na rîîtwa rîa Mwathani wetû Jesû Kristû nîramûthaitha muonthe mwîtîkanagie nîguo gûtikagîcage na nyamûkano gatagatîrî kenyu. Îthagîrwani mûgwatanîrîte viû na mûrî na rîciria na îtua rîmwe.

1Akor 2:3

Kwoguo rîrîa naûkire kûrî mue, ndiarî na vinya na nînatetemaga nîûndû wa guoya.

1Akor 4:10

Tûrî irimû nîûndû wa Kristû. Nwatî mue mûrî aûgî mûrî na ûrûmwe na Kristû. Tûtirî na vinya, nwatî mue mûrî na vinya! Mue mûrî atîîe nwatî tue tûrî anyarare!

2Akor 11:30

Ethîrwa nwa nginya nîtîîe, nîngîtîîa nîûndû wa maûndû marîa monanagia ûrîa nie ndarî na vinya.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

2Akor 13:4

Nîûndû wana ethîrwa aambirwe mûtharavarî nîûndû wa ûvûthû wa ûmûndû, ke nîatûûraga mwoyo nîûndû wa ûvoti wa Ngai. Tûrî ûrûmwe na Kristû wa natue tûrî avûthû, nwatî tue wa vamwe namue tûgatûûra mwoyo na Kristû nîûndû wa ûvoti wa Ngai.

2Akor 4:12

Ûguo nî kuga gîkuû kîthagîrwa gîkîruta wîra ndaarî yetû, naguo mwoyo wîthagîrwa ûkîruta wîra ndaarî yenyu.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Ath 3:10

Mûthenya na ûtukû nîtûvoyaga na ngoro yetû yonthe nîguo atûvotithie twonane namue rîngî nîguo tûvote kûmûva kîrîa mûvatarîte wîtîkiorî wenyu.

2Tim 3:17

nîguo mûndû wonthe ûtungatagîra Ngai ethagîrwa arî mwagîrîru na arî mwîvarîriu gwîka ûndû wa wonthe mwaro.

Ahib 12:23

Nîmûkîte kîgomanorî Kîam andû arîa akenu, na nîo marikithathi ma Ngai. Marîîtwa mao nîmandîkîtwe kûu îgûrû. Nîmûkîte kûrî Ngai ûrîa ûtucagîra andû onthe, na kûrî maroho ma andû arîa athingu arîa maatwirwe akinyanîru.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

Ahib 6:1

Kwoguo nîtûtiganîrie maûndû marîa twathomithirue mbere megiî Kristû, na tûthiî na mbere na kîthomo kîrîa kîrî na ûgima. Tûtiagîrîrwe nî gûcokera rîngî ûvoro wîgiî kiumo Kîam maûndû marîa twathomire mbere ta gwîtîkia Ngai na kûgarûrûka kuuma kûrî ciîko irîa iretage gîkuû.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.