2Akor 13:7 - ÎVUKU RÎA ÛVORO MWARO

⁷ Nwatî tûvoyaga Ngai mûtikevie. Tue tûtivoyaga ûguo nîguo twonanie atî nîtwîkîte waro, nwatî nîguo mwîke ûrîa kwagîrîrîte wana ethîrwa twonagwa tûrî agwîu.

2Akor 13:7 ပူးပေါင်းရင်းမြစ်များ

1Maû 4:10

Nwatî Jabezi nîwavoire Ngai wa Isiraeli akiuga atîrî, “Ngai ndathima na ûnenevie mîvaka ya vûrûri wakwa. Îthagîrwa ûrî vamwe nanie na ûngitagîre kuuma kûrî ûndû wonthe mûcûku ûrîa ûngîtûma mbîthîrwe na ûrûrû.” Ngai Nîwamûvere kîrîa aavoire.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Johana 17:15

Nie tîkwa nîrakûria ûmarute gûkû nthî, nwatî nîrakûria ûmamenyerere kuumana na Ûrîa Mûcûku.

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

Aroma 12:17

Mûndû angîgwîka naaî, ndûkamwîke naaî. Nwatî geragia gwîka andû onthe maûndû marîa maro.

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

Aroma 16:10

Kethiani Apele, ûrîa wagerirue na akîonania nama atî ke nîwathîkagîra Kristû. Kethiani andû a mûciî wa Aristobulo.

1Akor 11:19

(Gûtirî na nganja atî nwa nginya kûgîe na ngaûkano gatagatîrî kenyu nîguo mûndû avotage kwona cararûkû arîa evokeku gatagatîrî kenyu.)

2Akor 10:10

Nîûndû amwe maugaga atî, “Maarûa cia Paûlo nî ndito na irî na vinya, nwatî rîrîa arî vamwe natue kîîmwîrî, ndarî vinya na ciugo ciake nî cia mana!”

2Akor 10:18

Nîûndû andû arîa metucaga aro tîo Ngai amûkagîra, nwatî amûkagîra arîa ke atûcaga aro.

2Akor 13:6

Nie nîngwîvoka atî mue nîmûkûmenya tue tûtirî agwîu.

2Akor 13:8

Tûtingîvota gwîka ûndû wa kûregana na ûma, nwatî twîkaga maûndû ma ûma.

2Akor 13:9

Tue nîtûkenaga rîrîa tûtarî na vinya namue mûrî na vinya. Kwoguo ûrîa tûvoyaga nî atî mûtuîke agîrîru.

2Akor 6:4

Vandû va ûguo, maûndûrî monthe marîa twîkaga twonanagia atî tûrî ndungata cia Ngai na njîra ya gûkirîrîria tûmîrîrîtie mathîna, morito na kûthînîka kwîngî.

2Akor 8:21

Mûvango wetû nî gwîka ûrîa kwagîrîrîte mbere ya Mwathani na mbere ya andû.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

1Tim 2:2

Voyagîrani athamaki na anene onthe nîguo twîkarage tûkirîrîtie, tûrî na thayû, twînyivîtie mbere ya Ngai na tûrî na mîtugo mîaro.

2Tim 2:15

Geria mûno wa ûrîa ûngîvota gûtuîka mwîvokeku rîrîa ûkûruta wîra wa Ngai. Tuîka mûruti wîra ûrîa ûtaconokaga nî ûndû wa wîra ûrîa arutaga na mûndû ûthomithagia waro ûvoro wa ma wa Ngai.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.