5 Îtuîrieni mue ene na mwîthime mwone kana nîmûtûûraga na wîtîkio wenyu. Nî ma nîmwicî atî mûtûûraga na Jesû Kristû, tiga nwa mwîthîrîtwe mûgwîte kîgeranio.
Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.
Mue nî mwîcî atî mîîrî yenyu nî ciîga cia mwîrî wa Kristû. Tue nwatûvote kûthengutia ciîga cia mwîrî wa Kristû tûkînaitua ciîga cia mwîrî wa mûmaraa? Ûguo gûtingîvotekeka!
Nie nîrî na ma nîmwîcî atî avinyûri eengî marî îvenyarî makîvinyûra nî ûmwe tu gatagatîrî kao wamûkagîra kîveo. Kwoguo vinyûrani nîguo wa namue mûkaamûkîra kîveo.
Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”
Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.
Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.
Nwatî Ngai nîakaavonokia aka na njîra ya gûciara ethîrwa nîmakûthiî na mbere gwîtîkia, kwendana, gûtuîka atheru, na kwîthîrwa marî na mîtugo yagîrîrîte.
Wata ûrîa Jane na Jambare maakararirie Musa, ûguo nwaguo andû acio maakararirie ûvoro wa ma. Andû acio methagîrwa na meciria macûku na nîagwîu ûvororî wa wîtîkio.
Îraga athuuri arîa akûrû mekarage meîguîte, marî na mîtugo mîaro, andû mangîvota kwînyitia maûndûrî, na methagîrwe marî na wîtîkio wa ma, marî na wendo na ûmîrîru.
Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.