Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Akor 13:5 - ÎVUKU RÎA ÛVORO MWARO

5 Îtuîrieni mue ene na mwîthime mwone kana nîmûtûûraga na wîtîkio wenyu. Nî ma nîmwicî atî mûtûûraga na Jesû Kristû, tiga nwa mwîthîrîtwe mûgwîte kîgeranio.

အခန်းကိုကြည့်ပါ။ ကော်ပီ




2Akor 13:5
50 ပူးပေါင်းရင်းမြစ်များ  

Rîrîa neciria ûvoro wa mîthiîre yakwa, nîngarûrûkaga ngarûmîrîra matuîro maku ma ciira.


We nîwicî ngoro yakwa, nîûkîte kûrî nie ûtukû, nîûnduîrîtie waro viû, na ûkamenya atî ndiaragia maûndû macûku.


Nduîria na ûngerie, we Ngai-Mûnene; tuîria ngoro yakwa na meciria makwa.


Magetagwa sîlûva îrîa îtarî na vata, nîûndû Ngai-Mûnene nîamaregete.”


Tigani twîthime na tûtuîrie mîthiîre yetû, na tûcokerere Ngai-Mûnene.


Ke nîecokerete na akagarûrûka kuuma kûrî maûndû marîa macûku eekîte. Na ma mûndû ûcio ndagaakua, nîagaatûûra mwoyo.


Rîu Ngai-Mûnene mwene vinya wonthe arauga atîrî, “Îîcirieni kana mwîthîrîtwe mûgîka waro.


Ngai-Mûnene mwene vinya wonthe arauga atîrî, “Îîcirieni kana nîmûraruta wîra waro.


Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.


Îkaragani ndaarî yakwa, nanie mbîkare ndaarî yenyu. Rûvûa rûgekara rûrî ruonga rûtingîgîa na maciaro; rûngîvota kûgîa na maciaro tu angîthîrwa nwa rwîkare mûthaviburî. Ûguo nwaguo wa namue mûtangîvota kûgîa na maciaro angîthîrwa tî mwîkara mûrî ndaarî yakwa.


Nie ngethagîrwa nîrî ndaarî yao, nawe ûkethagîrwa ûrî ndaarî yakwa nîguo matuîke kîndû kîmwe viû. Nao andû a gûkû nthî magaacoka mamenye atî we nîwe wandûmire na atî we nîûmendete wata ûrîa ûmendete.


Nie nînakûmenyithanirie kûrî o, na nwa ngûthiî na mbere gwîka wa guo nîguo ûmende wata ûrîa ûmendete, na nîguo wa nanie mbîthagîrwe nîrî ndaarî yao.”


Mûndû wa wonthe ûrîcaga mwîrî wakwa na akanyua nthakame yakwa nîwîkaraga ndaarî yakwa, nanie ngekara ndaarî yake.


(Jesû aaûririe ûguo nîguo agerie Filipu, nwatî ke mwene nîwaicî ûrîa eendaga gwîka.)


Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.


Nwatî ethîrwa Kristû atûûraga ndaarî yenyu wana ethîrwa mîîrî yenyu nîgaakua nîûndû wa mevia, maroho menyu marî mwoyo nîûndû mûrî atue athingu.


Mûndû nîambage gwîtuîria ke mwene mbere ya kûrîa mûgate ûcio na kûnyuîra gîkomberî kîu.


Nwatî angîthîrwa nwa twambe gwîtuîria tue ene, Ngai ndangîtûtuîra.


Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.


Mue nî mwîcî atî mîîrî yenyu nî ciîga cia mwîrî wa Kristû. Tue nwatûvote kûthengutia ciîga cia mwîrî wa Kristû tûkînaitua ciîga cia mwîrî wa mûmaraa? Ûguo gûtingîvotekeka!


Anga mue mûtiîcî atî mîîrî yenyu nî hekarû ya Roho Mûtheru ûrîa ûrî ndaarî yenyu? Mue nîmwamûkîre Roho Mûtheru kuuma kûrî Ngai. Mûtirî enyu mue ene.


Anga mue mûtiîcî atî andû a Ngai nîo magaatuîra andû a nthî? Kwoguo ethîrwa mue nîmue mûgaatuîra andû a nthî, mue nîkwa mûtangîvota gûtua wana tûciira tûrîa tûnini?


Nie nîrî na ma nîmwîcî atî avinyûri eengî marî îvenyarî makîvinyûra nî ûmwe tu gatagatîrî kao wamûkagîra kîveo. Kwoguo vinyûrani nîguo wa namue mûkaamûkîra kîveo.


Ndukaga mwîrî wakwa ngaûtua ngombo yakwa nîguo nie mwene ndigatuîke wa kûregwa vuva wa kwîthîrwa mvunjîrîtie andû arîa engî.


Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”


Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.


Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.


Wa mûndû nîatuîrie wîra wake ke mwene. Wethîrwa wî mwaro, mûndû nwa etîe nîûndû wa wîra ûrîa arutîte atakûûringithania na wîra wa mûndû ûrîa wîngî.


Na nîmvoyaga atî Kristû ekarage ngororî cienyu na njîra ya wîtîkio wenyu. Mvoyaga atî maûndû monthe marîa mûgekaga, mûmekage nîûndû mûrî na wendo,


Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.


Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.


na ndevokete Kristû ûrîa arîke kîongo. Kristû nîke ûvecaga mwîrî wonthe vinya na akaûnyitithania vamwe ta ûrîa mavîndî ma mwîrî wonthe manyitithanagua vamwe nî mîkiva. Kwoguo mwîrî nîûkûraga na njîra îrîa Ngai endaga ûkûre.


Tûûragani mwîvandîte ndaarî yake na ûtûûro wenyu ûtumîtwe îgûrû rîake. Îthagîrwani mûrî na vinya wîtîkiorî wenyu wata ûrîa mwathomithirue mwîcûrîtwe nî ngatho.


Nwatî Ngai nîakaavonokia aka na njîra ya gûciara ethîrwa nîmakûthiî na mbere gwîtîkia, kwendana, gûtuîka atheru, na kwîthîrwa marî na mîtugo yagîrîrîte.


Wata ûrîa Jane na Jambare maakararirie Musa, ûguo nwaguo andû acio maakararirie ûvoro wa ma. Andû acio methagîrwa na meciria macûku na nîagwîu ûvororî wa wîtîkio.


Arathi maarîtie ûvoro wa ma. Kwoguo nwa nginya ûmakaanie na vinya mûno nîguo magîe na wîtîkio mûkinyanîru,


Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.


Îraga athuuri arîa akûrû mekarage meîguîte, marî na mîtugo mîaro, andû mangîvota kwînyitia maûndûrî, na methagîrwe marî na wîtîkio wa ma, marî na wendo na ûmîrîru.


Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.


Na rîu, nîûndû Ngai nîatûvete kîîranîro gîa gûgaatonya kîvurûkorî gîake, nîtwîmenyagîrîreni nîguo gûtikethîrwe kûrî mûndû wana ûmwe gatagatîrî kenyu ûkaaremwa nî gûtonya.


Nwatî mûgûnda ûcio ûngîmera mîgua na ria, nî wa mana na wavota kûrumwa nî Ngai na ûkavîvua na mwaki.


Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.


Îthagîrwani mwîkindîrîtie wîtîkiorî wenyu na mûreganage nake, nîûndû nîmwîcî atî etîkia a nthî yonthe arîa twîtîkîtie ûndû ûmwe nao, nîmarathînua wa tamue.


Taririkanani kûrîa mwarî mbere ya mûgwe! Îrireni na mwîke ciîko irîa mwekaga mbere. Na mwarega kwîrira nie nîngûka kûrî mue na ndute kîndû gîa kwigîrîrwa taa varîa kîthagîrwa kîrî.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ