2Akor 12:7 - ÎVUKU RÎA ÛVORO MWARO

⁷ Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

2Akor 12:7 ပူးပေါင်းရင်းမြစ်များ

Kîam 32:25

Rîrîa mûndû ûcio oonire atî nîakûvootwa nî Jakovu, nîwamûringire ngunguro, nakuo kûgûrû kwa Jakovu gûkîvenûka.

Kîam 32:31

Riûa nîrîarathire Jakovu arî njîrarî aumîte Penieli, na nîwathuaga nîûndû ngunguro yake yarî mvenûku.

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

Ayubu 2:6

Kwoguo Ngai-Mûnene nîwerire Caitani atîrî, “Taroria Ayubu arî njararî ciaku, nwa ûmwîke ûrîa wonthe ûkwenda nwatî ndûkamûrage.”

Ayubu 2:7

Kwoguo Caitani nîwaumire varî Ngai-Mûnene, na nîwatûmire mwîrî wonthe wa Ayubu wîcûrwe nî ironda cietûrûraga mavira.

Ezek 28:24

Ngai-Mûnene augîte atîrî, “Gûtigaacoka kwoneka ûndû rîngî wa kwîgwithia andû a Isiraeli ûrûrû ta ûrîa mwîgua kana cong'e imundaga mûndû umîte na mavûrûrirî marîa mariganîtie nao. Na nîmakaamenya atî nînie Ngai-Mûnene Ngai.”

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Hosea 2:6

Kwoguo nîngavinga njîra yake na mîgua, na ndume rûthingo rwa kûmwirigîra, nîguo ndakone gwa kuumîrîra.

Ndari 33:55

Nwatî mûngîkaarega kwîngata atûûri a vûrûri ûcio onthe, arîa magatigara nîmakaamûva thîna. Makeethagîrwa mekariî ta ivuti irî methorî menyu kana ta mîgua îmûrigicîrîtie.

Mathaayo 26:67

Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Luka 13:16

Mûndûmûka ûyû wa rûciaro rwa Iburahimu arathirîtie mîaka îkûmi na înana ovetwe nî Caitani. Anga tî kwagîrîru mûndûmûka ûyû wa nake avonue mûthenya wa thavatû?”

1Akor 4:11

Nginya îvindarî rîîrî tue nîtûvûtaga, tûkanyonda na tûgekîra matangari. Nîtûrivagwa na tûgatura ciîkaro.

1Akor 5:5

nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

2Akor 10:10

Nîûndû amwe maugaga atî, “Maarûa cia Paûlo nî ndito na irî na vinya, nwatî rîrîa arî vamwe natue kîîmwîrî, ndarî vinya na ciugo ciake nî cia mana!”

2Akor 10:5

Tue nîtûcûkangagia ûndû wa wonthe wa mwîgatho ûrîa ûgiragia mûndû amenya Ngai. Nîtûgarûraga meciria monthe na tûgatûma mathîkîre Kristû.

2Akor 11:20

Mue nîmûkiragîrîria mûndû wa wonthe ûrîa ûmwathaga ta mûrî ngombo, kana ûmûvûthagîra naaî, kana ûmûveenagîrîria. Wana nîmûkiragîrîria mûndû ûrîa wîciragia atî nî mwaro kûmûkîra na ûrîa ûmûcamûraga rûvî.

2Akor 12:1

Nie nwa nginya nîtîîe, wana ethîrwa gûtirî na ûndû mwaro nganyita nîûndû wa gwîtîîa. Nwatî rîu nîngûthiî na mbere kwaria ûndû wîgiî cioneki irîa noonirue na ngîguûrîrua nî Mwathani.

Agal 4:13

Nîmwîcî atî nî kûrwara gwatûmire nîmûvunjîrie Ûvoro Mwaro vîndî ya mbere.

Gûco 17:20

Eka ûguo, ndakeyona arî mûnene gûkîra andû acio engî a Isiraeli, na gûtirî vîndî akaarega kwathîkîra maathani ma Ngai nîguo mûthamaki ûcio na njiarwa ciake makaathana îvinda îraca kûu Isiraeli.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

1Tim 3:6

Mûtongoria wa kanitha agîrîrwe nî kwîthîrwa arî mûndû ûtarî mwîthî wîtîkiorî, nîguo ndakagîe na mwîtîîo mwîngî na atuîrwe wata ûrîa Ngoma aatuîrîrwe.

Atir 2:3

Kwoguo rîu nîramwîra atî, ndikengata andû aya kuuma kûrî mue. Makethagîrwa marî nthû cienyu na mûkaveenagîrîrua nî ngai ciao cia mîvuanano.”