2Akor 12:2 - ÎVUKU RÎA ÛVORO MWARO

² Nîmbicî mûndû ûmwe Mûkristiano waunûkithirue akîthiî îgûrû mûno mîaka îkûmi na îna mîthiru. (Nie ndiîcî na ma kana ûguo nîwekîkire kana nîkwa ke oonire kîoneki; Ngai nîke wicî.)

2Akor 12:2 ပူးပေါင်းရင်းမြစ်များ

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

2Atha 2:16

na makîmwîra atîrî, “Tue ndungata ciaku, tûrî ava tûrî arûme mîrongo îtano (50) marî vinya. Twakûthaitha ûtwîtîkîrie tûthiî tûgacarie mwathi waku. Nwa kwîthîrwa Roho wa Ngai-Mûnene ûthiîre nake na wamûtiga vandû îgûrû rîa kîrîma, kana vandû Kîamndarî.” Nake Elisha nîwamerire atîrî, “Naarî, tîmûthiî.”

Thaburi 148:4

Mûkumie we îgûrû mûno, na mûmûkumie mue manjî marîa marî îgûrû rîa matu.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Ezek 11:24

Na njîra ya kîoneki Roho wa Ngai nîwambocire akîmvira îthamîriorî vûrûri wa Akalidei, na kîoneki kîrîa naarî nakîo gîkîthira.

Ezek 43:5

Roho wa Ngai-Mûnene nîwambocire na ûkîmbira kîvarorî Kîam mwena wa ndarî na ngîona atî riiri wa Ngai-Mûnene nîwecûrîte hekarûrî.

Luka 24:51

Na vîndî îrîa aamarathimaga, nîwamatigire na akîambatua îgûrû.

Johana 6:56

Mûndû wa wonthe ûrîcaga mwîrî wakwa na akanyua nthakame yakwa nîwîkaraga ndaarî yakwa, nanie ngekara ndaarî yake.

Ciîko 14:6

Na rîrîa Paûlo na Baranaba maamenyire ûvoro ûcio, nîmaaûrire makîthiî Listra na Deribe, matûûra marîa maarî vûrûrirî wa Likaonia, na makîthiî mavûrûrirî marîa maarî gûkuvî nakuo.

Ciîko 22:17

“Nie nînaacokire Jerusalemu. Na rîrîa naavoyaga nîrî hekarûrî, nînaagîre na kîoneki,

Aroma 16:10

Kethiani Apele, ûrîa wagerirue na akîonania nama atî ke nîwathîkagîra Kristû. Kethiani andû a mûciî wa Aristobulo.

Aroma 16:3

Kethiani Pirisika na Akula, arîa tûrutaga wîra wa Kristû nao.

Aroma 16:7

Kethiani Anderoniko na Juniasi arîa Ayahudi wata nie na maarî njera vamwe nanie. Nîmecîkene mûno gatagatîrî ga atûmwa na nîmaatuîkire Akristiano mbere yakwa.

Aroma 16:9

Kethiani Urubano, ûrîa tûrutaga wîra wa Kristû nake, na mûkethie mûrata wakwa Sitakusi.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 11:11

Nie nîrauga ûguo nîûndû ndimwendete? Ngai nîwicî atî nie nîmwendete!

2Akor 13:5

Îtuîrieni mue ene na mwîthime mwone kana nîmûtûûraga na wîtîkio wenyu. Nî ma nîmwicî atî mûtûûraga na Jesû Kristû, tiga nwa mwîthîrîtwe mûgwîte kîgeranio.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 1:22

Vîndî îo andû a makanitha ma Judea matiambîcî.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Aefeso 4:10

Kwoguo ke ûrîa wanyûrûrûkire gûkû nthî nwake wacokire kûthiî îgûrû mbere ya matu. Eekire ûguo nîguo ecûre nthî na îgûrû.

Gûco 10:14

Îgûrû na îgûrû kûrîa kûraca mûno wana nthî vamwe na indo cionthe irîa irî kuo nî cia Ngai-Mûnene Ngai wenyu.

1Ath 4:17

Vuva wa ûguo, tue arîa tûkethîrwa tûrî mwoyo nîtûgaacokanîrîra vamwe nao matuurî nîguo tûtûnge Mwathani rîerarî. Kwoguo tûgatûûraga na Mwathani tene na tene.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.

Kûguû 12:5

Nake mûndûmûka ûcio nîwaciarire kaana ga kamwanake. Nako nîgakaatha mavûrûri monthe na rûthanju rwa cuuma. Nwatî kaana kau nîgoocirwe wa rîmwe gakîvirwa îgûrû kûrî Ngai na gîtîrî gîake Kîam Ûthamaki.

Kûguû 4:2

Na wa rîmwe nînecûrirwe nî Roho. Na rîrîa naaroririe Îgûrû nînoonire gîtî Kîam ûthamaki gîkarîrîtwe nî mûndû.