2Akor 12:14 - ÎVUKU RÎA ÛVORO MWARO

¹⁴ Rîîrî rîu nî riita rîa kathatû nîvarîrîtie gûka kûmûcerera. Nie ndigeetia kîndû kuuma kûrî mue. Nîmue ngwenda nwatî tî mbeca cienyu nîûndû ciana iticaragîria aciari ao, nwatî aciari nîo macaragîria ciana ciao.

2Akor 12:14 ပူးပေါင်းရင်းမြစ်များ

Nthi 11:30

Maciaro ma mûndû mûthingu nî mûtî wa ûtûûro, nwatî waganu nîûcûkangagia ûtûûro.

Nthi 13:22

Mûndû mwaro nîatigagîra njiarwa ciake îgai, nwatî ûtonga wa andû arîa evia ûthiîcaga na andû arîa athingu.

Nthi 19:14

Mûndû nwa agae indo na nyomba kuuma kûrî aciari, nwatî mûndûmûka mûûgî avecanagwa nî Ngai-Mûnene.

Ezek 34:2

“Mûndû, rathîra arîthi a Isiraeli na ûmere ûrîa nie Ngai-Mûnene Ngai mbugîte. Meere atî marî na thîna nîûndû merîthagia o ene. Anga arîthi matiagîrîrwe nî kûrîthia ng'ondu?

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

1Akor 10:24

Mûndû wa wonthe gatagatîrî kenyu ndagîrîrwe nî kwîthagîrwa agîcaria ûrîa angîîguna ke mwene, nwatî agîrîrwe nî kwîthîrwa agîcaria ûrîa angîguna andû arîa engî.

1Akor 10:33

Îkagani wata ûrîa nie mbîkaga. Nîngeragia gûkenia andû onthe maûndûrî monthe marîa mbîkaga. Ngîka ûguo, ndiîthagîrwa ngîcaria ûrîa nîngîîguna nie mwene, nwatî mbîthagîrwa ngîcaria ûrîa nîngîguna andû onthe nîguo mavote kûvonoka.

1Akor 11:34

Mûndû wa wonthe mûvûtu, nîambage kûrîa mûciî, nîguo rîrîa tûcemanîtie vamwe Ngai ndagatûtuîre. Rîrîa ngaaûka kûrî mue nîngamwatha ûrîa mûgeeka maûndû mau mengî.

1Akor 16:5

Nîmvangîte kûvîtûkîrîra Makedonia, na kwoguo nîngaaûka kûrî mue narîkia kûvîtûkîrîra kuo.

1Akor 4:19

Nwatî vuva wa kavinda kanini nîngaamûcerera ethîrwa ûcio nîguo wendi wa Mwathani. Kwoguo nîngaamenya vinya ûrîa andû acio marî naguo, nwatî tî ûrîa tu maugaga.

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

1Akor 9:18

Mûcara wakwa nî ûrîkû vi? Mûcara wakwa nî ûyû: atî vîndî îrîa nîravunjia Ûvoro Mwaro, mbîkage guo ndakûrîvia na ndagûtûmîra ivooto ciakwa wîrarî wakwa wa kûvunjia ûvoro mwaro.

1Akor 9:19

Nie ndirî ngombo ya mûndû wana ûmwe; nwatî nînîtuîte ngombo ya andû onthe nîguo ngucîrîrie andû eengî wa ûrîa nîngîvota.

2Akor 1:15

Nie nînaamenyete ûndû ûyû waro na nînathondekire mîvango ngaaûka nîmûcerere mbere, nîguo mûgîe na gîkeno maita maîrî.

2Akor 11:9

Na rîrîa twarî namue ndiamwîtia ûtethio rîrîa nendaga mbeca. Arata akwa kuuma Makedonia nîmaandetere kîndû kîonthe kîrîa naavatarîte. Ndiatuîka mûrigo kûrî mue na ndigaatuîka mûrigo wana rî.

2Akor 12:13

Nîûndû ûrîkû mûcûku mwekirwe makîria ya makanitha marîa mengî, tiga atî nie ndiamûnogia ngîenda ûtethio wa mbeca? Njoverani nîûndû wa kûmûvîtîria!

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

Afil 4:17

Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

1Ath 2:11

Nîmwîcî atî twekaga mûndû wa wonthe wata ûrîa îthe wa mûndû ekaga ciana ciake.

1Ath 2:8

Nîûndû wa ûrîa twamwendete, twa ûvoro mwaro wa Ngai wonga twevarîrîtie kûgaana namue, nwatî twevarîrîtie kûgaana namue nginya mîoyo yetû. Twekire ûguo nîûndû wa kûmwenda.