2Akor 12:12 - ÎVUKU RÎA ÛVORO MWARO

¹² Ciama nyîngî na morirû irîa cionanagia atî nîrî mûtûmwa wa ma nîciaringirwe gatagatîrî kenyu na ûkirîrîria mwîngî.

2Akor 12:12 ပူးပေါင်းရင်းမြစ်များ

Johana 4:48

Jesû nîwerire karani ûcio atîrî, “Gûtirî mûndû wana ûmwe gatagatîrî kenyu ûgeetîkia atonete ciama na morirû.”

1Akor 14:18

Nie nînjokagia ngatho kûrî Ngai nîûndû nîmbaragia na nthiomi makîria yenyu muonthe.

2Akor 11:4

Nîûndû mue nîmûkiragîrîria mûndû wa wonthe ûrîa ûkaga kûrî mue na akamûvunjîria Jesû wîngî tiga ûrîa twamûvunjîrie. Na nîmwamûkagîra roho na mûgetîkîra ndûmîrîri îngî ngûrani mûno kuuma kûrî Roho na ûvoro mwaro ûrîa mwamûkîre kuuma kûrî tue.

2Akor 11:6

Wana ethîrwa ndiîcî kwaria mbere ya andû nie nîrî na ûmenyo. Na njîra cionthe nîtwonanîtie ûndû ûyû waro kûrî mue maûndûrî monthe.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.