2Akor 11:7 - ÎVUKU RÎA ÛVORO MWARO

⁷ Nie ndiamûrîvia wanarî kîndû rîrîa naavunjirie Ûvoro mwaro wa Ngai kûrî mue. Nînenyivirie nîguo ndûme mue mûtuîke a vata. Anga nînavîtirie?

2Akor 11:7 ပူးပေါင်းရင်းမြစ်များ

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

Ciîko 20:34

Mue ene nîmwîcî atî nie nîndutîte wîra na njara ino ciakwa nîguo mone indo cionthe irîa nie na arîa tûrekaranagia nao tûravataraga.

Aroma 1:1

Kuuma kûrî nie Paûlo, ndungata ya Jesû Kristû na mûtûmwa ûrîa wîtîtwe na akamûrwa nî Ngai nîguo avunjagie ûvoro mwaro wake.

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

1Akor 9:6

Nie na Baranaba, nwatue tu twagîrîrwe nî kûruta wîra nîguo twîyonere gîa gwîtûûria?

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 10:16

Na nwatûvote kûvunjia Ûvoro mwaro mavûrûrirî marîa marî kûraca na kwenyu, na tûtigeetîîa ûndûrî wîgiî wîra ûrîa ûrîkîtie kûrutwa mûgûndarî wa mûndû wîngî.

2Akor 12:13

Nîûndû ûrîkû mûcûku mwekirwe makîria ya makanitha marîa mengî, tiga atî nie ndiamûnogia ngîenda ûtethio wa mbeca? Njoverani nîûndû wa kûmûvîtîria!

2Akor 2:12

Vîndî îrîa nie naakinyire Toroasi kûvunjia Ûvoro mwaro wîgiî Kristû nînoonire atî Mwathani nîwavingûrîte njîra nîûndû wa wîra wake kuo.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

2Ath 3:8

Tûtietîkagîra kûrîa irio cia mûndû tûtakûrîva. Nîtwarutaga wîra na vinya mûno ûtukû na mûthenya nîguo tûtigatuîke mûrigo kûrî mûndû wanarî ûmwe gatagatîrî kenyu.