2Akor 11:4 - ÎVUKU RÎA ÛVORO MWARO

⁴ Nîûndû mue nîmûkiragîrîria mûndû wa wonthe ûrîa ûkaga kûrî mue na akamûvunjîria Jesû wîngî tiga ûrîa twamûvunjîrie. Na nîmwamûkagîra roho na mûgetîkîra ndûmîrîri îngî ngûrani mûno kuuma kûrî Roho na ûvoro mwaro ûrîa mwamûkîre kuuma kûrî tue.

2Akor 11:4 ပူးပေါင်းရင်းမြစ်များ

Maariko 7:9

Nake Jesû nîwathiîre na mbere na kûmeera atîrî, “Mue mûrî na wara mwîngî wa kûregana na maathani ma Ngai, nîguo mûrûmîrîre kîrîra kîrîa mwatigîrwe nî methe menyu.

Ciîko 4:12

Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Aroma 8:15

Roho ûrîa Ngai amûveete tî wa gûtûma mûtuîke ngombo na tî wa gûtûma mwîtigîre. Vandû va ûguo Roho ûcio amûtucaga ciana cia Ngai. Roho nîke ûtûvecaga vinya wa gûkaîra Ngai tûkiugaga, “Aba! Vava.”

1Akor 3:11

Gûtirî mûcingi wîngî mûndû angîvota gûtuma tiga ûrîa ûtumîtwe nî Ngai na nîguo Jesû Kristû.

2Akor 11:1

Nie nîngûmûthaitha mûngirîrîrie wana ethîrwa nîrî mûritu vanini. Ngirîrîriani.

2Akor 2:12

Vîndî îrîa nie naakinyire Toroasi kûvunjia Ûvoro mwaro wîgiî Kristû nînoonire atî Mwathani nîwavingûrîte njîra nîûndû wa wîra wake kuo.

Agal 3:2

Tambîrani atîrî: Mwamûkîre Roho na njîra ya kûrûmîrîra watho, kana nî na njîra ya kwîgua ûvoro mwaro na kûwîtîkia?

1Tim 1:3

Nîrenda wîkare Efeso wata ûrîa nakûthaithire rîrîa nathiîte Makedonia. Andû amwe kûu Efeso nîmarathomithania maûndû matarî ma ma, na nwanginya ûmakaanie matige gwîka ûguo.

1Tim 2:5

Nîûndû Ngai nî ûmwe, nake ûrîa wîgwithanagia andû na Ngai nî ûmwe na mûndû ûcio nî Jesû Kristû.