2Akor 11:23 - ÎVUKU RÎA ÛVORO MWARO

²³ Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

2Akor 11:23 ပူးပေါင်းရင်းမြစ်များ

Jeremia 36:5

Jeremia nîwacokire akîatha Baruku akîmwîra atîrî, “Nie ndirî mwîtîkîrie gûtonya nyombarî ya Ngai-Mûnene.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 20:23

Nie ûrîa mbîcî tu nî atî îtûûrarî wa rîonthe Roho Mûtheru nîambîraga atî kûthînua na kwovwa njeera nîkûmbetererete.

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

Ciîko 25:14

Nîwataarîrie mûthamaki ûvoro wîgiî Paûlo na akiuga atîrî: “Ava varî na mûndû watigirwe arî njeera nî Feliki.

Ciîko 27:1

Nakuo nîgwatwirwe atî nîtwagîrîrwe nî gûtwa meri tûthiî Italia. Nake Paûlo na andû amwe arîa maarî ove njeera nîmaanenganîrwe kûrî Juliasi ûrîa warî mûnene wa mbûtû ya athigari a Roma îrîa yetagwa “Mbûtû ya Mûthamaki.”

Ciîko 28:16

Rîrîa twakinyire Roma, Paûlo nîwetîkîrue ekare arî wenga marî na mûthigari wa kûmûrangîra.

Ciîko 28:30

Paûlo nîwekarire îvinda rîa mîaka îîrî nyombarî îrîa ke mwene aakomborete, na andû onthe arîa maamûceragîra nîwamanyitaga ûgeni.

Ciîko 9:16

Na nie mwene nîngûmwonia ûrîa ke akathînua nîûndû wakwa.”

Aroma 8:36

Wata ûrîa kwandîkîtwe mandîkorî matheru atîrî, “Tûtûûraga tûûragagwa vîndî cionthe nîûndû waku, tûtucagwa ta ng'ondu cia kûthînjwa.”

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

1Akor 4:1

Andû magîrîrwe nîgûtwonaga tûrî ndungata cia Kristû, irîa ciîvokeretwe wîra wa kûvunjia maûndû ma Ngai marîa marî nthithorî.

1Akor 4:11

Nginya îvindarî rîîrî tue nîtûvûtaga, tûkanyonda na tûgekîra matangari. Nîtûrivagwa na tûgatura ciîkaro.

1Akor 4:9

Nwatî nîrona atî Ngai nîatuigîte tue atûmwa tûrî mûthiia viû, wata andû matuîrîrîtwe kûragwa. Twîkariî ta kîrorerwa kûrî nthî yonthe ya araika na ya andû.

2Akor 10:7

Taroria maûndû marîa marî mbere ya metho maku. Ethîrwa kûrî mûndû wicî atî nî wa Kristû, ke nîamenye atî wanatue tûrî a Kristû ta ke.

2Akor 11:5

Ndigwîciria atî atûmwa acio enyu metucaga a mwanya nî aro kûngîra.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 4:11

Nîûndû tue arîa tûrî mwoyo vîndî cionthe twîthagîrwa tûrî thînarî wa gûkua nîûndû wa Jesû, nîguo mwoyo wake wonekage mîîrîrî îno yetû îkucaga.

2Akor 6:9

Tûtucagwa ta andû matecîwe, nwatî nîtwîcîwe nî andû onthe. Tûtucagwa ta tûrî akuû, nwatî wata ûrîa mue mûrona tue tûrî mwoyo. Wana ethîrwa nîtûverithagua tûtiûragagwa.

Agal 6:17

Ngîrîkia, mûndû wana ûrîkû ndakanthînie nîûndû irema irîa nîrî nacio mwîrîrî cionanagia atî nie nîrî ngombo ya Kristû.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Aefeso 4:1

Nie njovetwe nîûndû nîndungatagîra Mwathani, kwoguo nîramûthaitha mûtûûre na mîkarîre îringanîte na rîtana rîrîa mwetîrwe.

Aefeso 6:20

Nîrî mwarîrîria wa ûvoro mwaro, na nîreka ûguo rîu nîrî gûkû njeera. Mvoyagîrani nîguo mvunjagie ûvoro mwaro ndarî na guoya wata ûrîa mbagîrîrwe nî kwaria.

Afil 1:13

Na nîûndû wa gîtûmi gîkî arangîri onthe a nyomba ya mûthamaki na andû arîa engî onthe nîmamenyete atî nie njovetwe njeera nîûndû nîrî ndungata ya Kristû.

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

2Tim 1:16

Mwathani aroîguîra andû a mûciî wa Onesiforo ntha, nîûndû aanatûma njokwe nî thayû mavinda meengî. Ke ndaanaconoka nîûndû atî nie naarî njeera,

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.

File 1:9

Nwatî vandû va ûguo nînîrakûthaitha nîûndû nîngwendete. Nie Paûlo nîreka ûguo wana ethîrwa rîu nîrî mûthuuri mûkûrû na rîu njovetwe njeera nîûndû wa Jesû Kristû.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.