2Akor 11:20 - ÎVUKU RÎA ÛVORO MWARO

²⁰ Mue nîmûkiragîrîria mûndû wa wonthe ûrîa ûmwathaga ta mûrî ngombo, kana ûmûvûthagîra naaî, kana ûmûveenagîrîria. Wana nîmûkiragîrîria mûndû ûrîa wîciragia atî nî mwaro kûmûkîra na ûrîa ûmûcamûraga rûvî.

2Akor 11:20 ပူးပေါင်းရင်းမြစ်များ

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Maca 3:30

Nwa nginya etîkîre kûrivwa na kûrumwa.

Maariko 12:40

Aya nwao mathithûkagîra aka a ndigwa mîciîrî yao, makamacuna indo ciao cionthe, na makeyonania ûrîa marî aro na njîra ya kûracavia mavoya. Nao nîmagaatuîrwa îvera rînene.”

Luka 6:29

Mûndû angîgûcamûra rûvî rûthîa rwa mwena ûmwe, mûvûgûrîre wana rûu rwîngî arûcamûre. Na mûndû angîgûcuna îgooti rîaku, mwîtîkîrie oce nginya cati yaku.

1Akor 4:11

Nginya îvindarî rîîrî tue nîtûvûtaga, tûkanyonda na tûgekîra matangari. Nîtûrivagwa na tûgatura ciîkaro.

2Akor 1:24

Tue tûtiramûringîrîria maûndû marîa mwagîrîrwe nî gwîtîkia; Nîtwîcî atî mûrî ekindîru wîtîkiorî wenyu, nwatî tûrutithanagia wîra namue nîguo mûkenage.

2Akor 10:5

Tue nîtûcûkangagia ûndû wa wonthe wa mwîgatho ûrîa ûgiragia mûndû amenya Ngai. Nîtûgarûraga meciria monthe na tûgatûma mathîkîre Kristû.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

2Akor 12:16

Mue nîmûgwîtîkîra atî, nie ndiatuîka mûrigo kûrî mue. Nwatî mue mugaga atî naarî na wara na nînaamûveenirie nîguo nîmûnyite.

Agal 2:4

Andû amwe arîa meendaga Tito arue na meetucaga etîkia, nîmeetonyererie gîkundirî gîetû ta athigani. Meendaga gûtuîria ûvoro wîgiî wîyathi ûrîa wonekaga nîûndû wa kwîthîrwa tûrî kîndû kîmwe na Jesû Kristû. Andû acio meendaga tûtuîke ngombo.

Agal 4:25

Hagari nî ta kîrîma gîa Sinai kîrîa kîrî Arabia na nîke mûvano wa îtûûra rîa Jerusalemu rîrîa rîrî vo vîndî îno na rîrî ûkomborî vamwe na andû arîo onthe.

Agal 4:3

Na njîra wata îno, wana tue twarî ngombo cia maroho marîa mathanaga nthî mbere ya tûtuîka andû agima kîîroho.

Agal 4:9

Nwatî rîu nîûndû nîmûmenyanîte na Ngai, kana mbuge Ngai nîamenyanîte na mue, nîkî kîratûma mûcokerere maroho marîa matarî vinya na matarî vata? Mûrenda gûtuîka ngombo cia maroho mau rîngî nîkî?

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

Agal 5:10

Nîrî na mwîvoko atî mûtingîgarûrûka nîûndû tuonthe tûrî na ûrûmwe na Mwathani. Nake mûndû ûrîa ûramûthînia wana ethîrwa ke nû, nî agaatuîrwa nî Ngai.

Agal 6:12

Andû arîa mageragia kûmûringîrîria mûrue, nî arîa mendaga gwîcaara ûvororî wîgiî maûndû mao ma mwîrî. Mekaga ûguo tu nîguo matikaanyarirwe nîûndû wa kûrûmîrîra mûtharava wa Kristû.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

1Ath 2:5

Mue nîmwîcî atî tîkwa twîyendithagia na njîra ya kûmûva ndeto cia maveeni wana tûtitûmagîra ciugo cia gûkunîkîra ûkoroku. Ngai nî mûira wetû!