2Akor 10:7 - ÎVUKU RÎA ÛVORO MWARO

⁷ Taroria maûndû marîa marî mbere ya metho maku. Ethîrwa kûrî mûndû wicî atî nî wa Kristû, ke nîamenye atî wanatue tûrî a Kristû ta ke.

2Akor 10:7 ပူးပေါင်းရင်းမြစ်များ

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Johana 7:24

Tigani gûtucanagîra ciira kûringana na ûrîa maûndû monekaga mekariî, nwatî tucanagîrani ciira kûringana na ivooto.”

1Akor 1:12

Ûrîa nîrauga nî atî: wa mûndû gatagatîrî kenyu augaga atîrî, “Nie nûmagîrîra Paûlo,” wîngî akauga, “Nie nûmagîrîra Apolo,” wîngî akauga, “Nie nûmagîrîra Petero”; na wîngî akauga, “Nie nûmagîrîra Kristû.”

1Akor 14:37

Mûndû wa wonthe wîciragia atî ke nî mûrathi, kana atî ke arî na kîveo gîa kîîroho, nîwagîrîrwe nî kûmenya atî nie nîramwandîkîra maûndû marîa mbathîtwe nî Mwathani.

1Akor 15:23

Wa mûndû nîakaariûkua kavinda gake gakinya. Kristû nîke warî wa mbere kûriûkua. Na rîrîa Kristû agaaûka, arîa mamwîtîkîtie nîmakaariûkua.

1Akor 3:23

Mue mûrî a Kristû, na Kristû nî wa Ngai.

1Akor 9:1

Na kinthî nie ndirî na wîyathi? Na kinthî nie ndirî mûtûmwa? Na kinthî nie ndionire Jesû Mwathani wetû? Na kinthî mue mûtirî maciaro ma wîra ûrîa Mwathani arutîte na njîra yakwa?

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 11:18

Nwatî nîûndû andû eengî nîmetîîaga nîûndû wa ûmûndû, wa nanie nîngwîka wa guo.

2Akor 11:23

Nî ndungata cia Kristû? Nie nîraria ta mûndû wa ngoma. Nwatî nîrî ndungata mbaro kûmakîra. Nie nîndutîte wîra mûmû makîria yao. Naanaikua njeera maita meengî kûmakîra, nanarivwa na ivoko mûno kûmakîra na maita meengî nie nanethîrwa nîrî vakuvî gûkua.

2Akor 11:4

Nîûndû mue nîmûkiragîrîria mûndû wa wonthe ûrîa ûkaga kûrî mue na akamûvunjîria Jesû wîngî tiga ûrîa twamûvunjîrie. Na nîmwamûkagîra roho na mûgetîkîra ndûmîrîri îngî ngûrani mûno kuuma kûrî Roho na ûvoro mwaro ûrîa mwamûkîre kuuma kûrî tue.

2Akor 12:11

Nie mbîthagîrwa ngîka maûndû ta mûndû mûritu, nwatî nî mue mûtûmîte mbîka ûguo. Mue nîmue mwagîrîrwe nîkûngathîrîria. Nîûndû ndirî mûnini mûno gûkîra acio meîtaga “atûmwa” enyu a mwanya.

2Akor 13:3

nîûndû mue mûrenda mwonue atî Kristû araria kûvîtûkîra kûrî nie. Rîrîa araruta wîra kûrî mue ndaturaga vinya, vandû va ûguo ke nîwonanagia vinya wake gatagatîrî kenyu.

2Akor 5:12

Tue tûtiramûringîrîria mûtwîtîkîre rîngî, nwatî tûrageria kûmûva gîtûmi kîrîa kîngîtûma mwîtîîe nîûndû wetû. Kwoguo mwarîkia gûkîmenya mûkaavotaga gûcokia ciûria cia arîa metîîaga nîûndû wa ûrîa andû monekanaga na tî ûndû wa ûrîa mekariî ngororî ciao.

Agal 3:29

Ethîrwa mûrî a Kristû, mûrî a rûciaro rwa Iburahimu na nîmûkagaa kîrîa Ngai eeranîre.

1Joh 4:6

Nwatî tue tûrî a Ngai. Mûndû wa wonthe wîcî Ngai nîatûthikagîrîria. Mûndû wa wonthe ûtarî wa Ngai ndatûthikagîrîria. Na njîra ta îno nîtûmenyaga Roho wa ma na roho wa maveeni.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”