2Akor 10:6 - ÎVUKU RÎA ÛVORO MWARO

⁶ Na nîtûkaaverithia ûndû wa wonthe ûtathîkaga mue mwarîkia kwonania wathîki wenyu viû.

2Akor 10:6 ပူးပေါင်းရင်းမြစ်များ

Aroma 2:23

We nîwîtîaga nîûndû wa kwîthîrwa ûrî na watho wa Ngai, nwatî nîûconorithagia Ngai na njîra ya kûrega kwathîkîra watho wake.

1Akor 4:21

Mûrenda atîa? Mûrenda mbûke kûrî mue na rûthanju kana mbûke nîrî na roho wa wendani na ûvoreri?

2Akor 13:10

Nîramwandîkîra ûguo nîrî kûraca namue, nîguo vîndî îrîa ngaaûka ndikamûvinyîrîrie ngîvûthîra vinya ûrîa mvetwe nî Mwathani. Mvetwe vinya ûcio nîguo mvote kûmûtethia nwatî tî kûmûcûkia.

2Akor 13:2

Nînaakanirie arîa mevîtie mbere vamwe na acio engî onthe rîrîa naarî namue. Wa na rîu nîrî kûraca nîngûmakaania. Vîndî îrîa ngaaûka rîngî gûtirî mûndû ûtakaaverithua,

2Akor 2:9

Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 7:15

Nîûndû wa ûguo wendo wake kûrî mue nîûthiîte ûkîgîcaga vinya makîria aririkana ûrîa mue muonthe mwevarîrîtie kwathîkîra kîrîra gîake. Wana nîmwamûnyitire ûgeni mûrî na gîtîîo kînene.

1Tim 1:20

Gatagatîrî ka andû acio, varî na Hîmenayo na Alekisanda. Aya nîo mverithîtie na njîra ya kûmanenganîra kûrî Caitani nîguo mathome atî matiagîrîrwe nî kûruma Ngai.

3Joh 1:10

Kwoguo rîrîa ngaaûka nîngaaumbûra maûndû monthe marîa ekaga. Nîngaaumbûra ûrîa aragia maûndû meengî macûku matwîgiî. Na twa mau monga, ke mwene ndagwataga ariû na aarî a îthe wetû arîa engî ûgeni na nîagiragia arîa makwenda kûmagwata ûgeni mamagwate na akamengata kanitharî!