2Akor 1:6 - ÎVUKU RÎA ÛVORO MWARO

⁶ Nwatî ethîrwa nîtukûnyamarua, nîtûnyamarua nîguo mûmîrîrue na mûvonokue. Na ethîrwa tûrî aûmîrîrie, wa namue mûrî aûmîrîrie. Ûndû ûyû nî ûmûtethagîrîria kwamûkîra mûkirîrîrîtie mînyamaaro wata îrîa wanatue tûmagîrîria.

2Akor 1:6 ပူးပေါင်းရင်းမြစ်များ

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

2Akor 1:4

Ke nîatûmagîrîria mathînarî metû monthe nîguo tûvotage kûmîrîria arîa engî marî na mathîna ma mîthemba yonthe, tûgîtûmagîra ûmîrîru wata ûrîa tue ene tûgwatîte kuuma kûrî Ngai.

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 5:5

Ngai nîke ûtûvarîrîtie nîûndû wa ûgarûrûku ûyû. Nake nîatûvete Roho wake wa kwonania kîrîa atwigîrîte.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Aefeso 3:13

Kwoguo nîramûthaitha mûtigakue ngoro nîûndû wa mathîna marîa nîrona nîûndû wenyu. Nî magûtûma mûgîe na umithio.

Afil 1:19

Nîûndû nîmbîcî atî nie nîndekererua nîûndû wa mavoya menyu wa vamwe na ûtethio ûrîa uumaga kûrî Roho wa Jesû Kristû.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.