2Akor 1:21 - ÎVUKU RÎA ÛVORO MWARO

²¹ Ngai ke mwene nîke ûtûmaga mue mûrî vamwe natue tûgîe na kîîrîgîrîro tûrî ûrûmwe na Kristû. Ngai nîke ûtûthuurîte.

2Akor 1:21 ပူးပေါင်းရင်းမြစ်များ

Thaburi 45:7

nîwendete ûthingu na ûkamena waganu. Kwoguo Ngai, Ngai waku nîakûthuurîte, na nîakûvete gîkeno gûkîra athamaki arîa engî onthe.

Thaburi 87:5

Naguo ûvoro wîgiî Zayuni gûkeragwa atîrî, “Zayuni nîke ng'ina wa ndûrîrî cionthe, na ûrîa Ûrî Îgûrû mûno nîke ûtûmaga rîîvande.

Thaburi 89:4

‘vîndî cionthe ngaathuuraga mûndû kuuma njiarwarî ciaku arî mûthamaki, na nîngaatûma ûthamaki waku ûtûûre tene na tene.’ ”

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 59:21

Njoke nthondeke kîrîkanîro namue atî: vinya wakwa ûrîa nîmûvete na mataaro makwa marîa namûveere, nîmûtûûra nacio, na itûûre na ciana cienyu wana ciana cia ciana cienyu, kuuma rîu nginya tene na tene.”

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Isaia 62:7

Mûtikamûve kanya ga kûnogoka nginya acokanîrîrie îtûûra rîa Jerusalemu, na arîtue îtûûra rîa gûkumagua nî nthî ng'ima.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Alawi 7:35

Icunjî icio ciumîte mategarî ma kûvîvua marîa marutîrîtwe Ngai-Mûnene, nîcio ciamûrirwe inengagîrwe Aroni na avîcî ake mûthenya ûrîa maamûrirwe magîtuîka athînjîri-Ngai.

Habakuku 2:12

Kaî ûrî na thîna-î! We ûtumîte îtûûra na ûûragani, na ûkarîtuma îgûrû rîa maûndû macûku.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

Aroma 8:9

Nwatî mue mûtiathagwa nî mîîrî yenyu mwathagwa nî Roho, ethîrwa nama Roho wa Ngai atûûraga ndaarî yenyu. Mûndû wa wonthe wîthagîrwa atarî na Roho wa Kristû ûcio tî wake.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

2Akor 5:5

Ngai nîke ûtûvarîrîtie nîûndû wa ûgarûrûku ûyû. Nake nîatûvete Roho wake wa kwonania kîrîa atwigîrîte.

Akol 2:7

Tûûragani mwîvandîte ndaarî yake na ûtûûro wenyu ûtumîtwe îgûrû rîake. Îthagîrwani mûrî na vinya wîtîkiorî wenyu wata ûrîa mwathomithirue mwîcûrîtwe nî ngatho.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

2Ath 2:17

Ke aromûmîrîria na amûve vinya vîndî cionthe, nîguo mwîkage na mwaragie maûndû marîa maro.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

2Ath 3:3

Nwatî Mwathani nîmwîvokeku na nîakûmûva vinya na amûgitîre kuuma kûrî Ûrîa Mûcûku.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

Kûguû 1:6

na nîwatûtuire rûrîrî rwa athînjîri-Ngai a gûtungatîra Ngai ûrîa Îthe wake. Riiri na vinya irogîa kûrî Jesû Kristû tene na tene! Ameni.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.