2Akor 1:17 - ÎVUKU RÎA ÛVORO MWARO

¹⁷ Nie ngîvanga mûvango nîkwa nonekaga ta nîngîgarûrûka? Vîndî îrîa ngûthondeka mîvango yakwa, nîkwa nîmîthondekaga nîrî na meciria ma ûmûndû nîvarîrîtie kuga “Ii,” na “naarî” vîndî wa îo?

2Akor 1:17 ပူးပေါင်းရင်းမြစ်များ

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Zefania 3:4

Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.

Mathaayo 1:19

Na nîûndû Josefu aarî mûndû mûthingu, na ndeendaga gûconorithia Mariamu, nîwatuire atigane nake na nthitho.

Mathaayo 5:37

Mwauga ‘Îî’ nîîtuîkage ‘Îî’, na mwauga ‘Naarî’ nîtuîkage ‘Naarî.’ Ûndû wîngî wa wonthe ûrîa mûngiuga makîria ya ûguo uumaga kûrî Ûrîa Mûcûku.

Johana 8:15

Mue mûtucanagîra ciira kûringana na ûmûndû. Nie gûtirî mûndû nducagîra ciira.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 11:18

Nwatî nîûndû andû eengî nîmetîîaga nîûndû wa ûmûndû, wa nanie nîngwîka wa guo.

Agal 1:16

anguûrîrie Mûriû wake nîguo mvote kûvunjia ûvoro mwaro ûmwîgiî kûrî andû a ndûrîrî, navunjirie ndakûria gûtaarwa nî mûndû.

Agal 2:2

Naathiîre kuo nîûndû Ngai nîwanguûrîrie atî nwanginya nthiî. Nînathiîre ndundu na atongoria a kanitha onga na ngîmava ûvoro mwaro ûrîa mvunjagia kûrî andû a ndûrîrî. Nekire ûguo nîguo wîra ûrîa naarutîte mbere na ûrîa ndutaga rîu ndûgatuîke wa mana.

1Ath 2:18

Nîtwendaga gûka kûrî mue rîngî. Nie Paûlo nînaageririe gûka kûrî mue makîria ya rita rîmwe, nwatî Caitani nîwatûgiririe.

Jakuvu 5:12

Ariû na aarî a îthe wetû, îgûrû rîa maûndû monthe, mûtikanyue muma vîndî îrîa mûreranîra. Mûtikavûthîre rîîtwa rîa îgûrû, nthî kana kîndû kîngî wa kîonthe nîguo mwonanie ûrîa mûrauga. Vîndî îrîa mûrenda kuga îî, ugagani tu “Îî” na rîrîa mûrenda kuga naarî, ugagani “Naarî,” nîguo mûtigatuîrwe.

Atir 9:4

Nîmaamûvere tûcunjî mîrongo mûgwanja (70) twa sîlûva irutîtwe hekarûrî ya Baali-berithu. Abimeleki nîwocire sîlûva icio na agîcoka akîivûthîra kwandîka andû maarî aganu nîguo mamûrûmîrîre.