2Akor 1:11 - ÎVUKU RÎA ÛVORO MWARO

¹¹ Wanamue nîmwagîrîrwe nî gûtûtethia na mavoya nîguo andû engî magaacokia ngatho kûrî Ngai vandûrî vetû nîûndû wa irathimo irîa tûgwatîte kuuma kûrî Ngai nîûndû wa mavoya mao meengî.

2Akor 1:11 ပူးပေါင်းရင်းမြစ်များ

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Ciîko 12:5

Kwoguo Petero nîwaigirwe njeera, nwatî andû arîa maarî a kanitha nîmaamûvoere Ngai marî na kîîo.

2Akor 4:15

Maûndû mama monthe meekirwe nîûndû wenyu. Wata ûrîa wega wa Ngai ûgûkinyîra andû eengî makîria, nwaguo andû acio magaacokagia ngatho kûrî Ngai makîmûgoocaga.

2Akor 9:14

Nîûndû wa wendo mûnene ûrîa marî naguo kûrî mue, makaamûvoyagîra nîûndû wa wega mwîngî wa Ngai ûrîa mûrî naguo.

Afil 1:19

Nîûndû nîmbîcî atî nie nîndekererua nîûndû wa mavoya menyu wa vamwe na ûtethio ûrîa uumaga kûrî Roho wa Jesû Kristû.

Akol 4:3

Na rîrîa rîonthe mûkûvoya, tûvoyagîreni wa natue, nîguo Ngai atûvecage kanya karo ga kûvunjia ndûmîrîri îgiî nthitho ya Kristû. Kîu nîkîo gîtûmîte njovwe njeera.

1Ath 5:25

Ariû na aarî a îthe wetû, tûvoyagîreni.

2Ath 3:1

Ngîrîkîrîria ariû na aarî a îthe wetû, tûvoyagîreni nîguo ndûmîrîri ya Mwathani îtambe na îvenya na andû mamîamûkîre na gîtîîo wata ûrîa gwekîkire gatagatîrî kenyu.

File 1:22

Vamwe na ûguo, varîria nyomba îrîa nîngîkara, nîûndû nîrî na mwîrîgîrîro atî Ngai nîakwîgua mavoya menyu muonthe na nîakûmbîtîkîria mbûke kûrî mue.

Ahib 13:18

Tûvoyagîreni. Tûrî nama atî thamiri cietû nî ntheru, nîûndû twendaga gwîka ûrîa kwagîrîrîte mavindarî monthe.