2Akor 1:10 - ÎVUKU RÎA ÛVORO MWARO

¹⁰ Ngai nîwatûvonokirie kuuma mogwatirî mau manene ma gîkuû, na ke nîakûthiî na mbere gûtûvonokia. Twigîte kîîrîgîrîro gîetû kûrî ke na nîagaatûvonokia rîngî.

2Akor 1:10 ပူးပေါင်းရင်းမြစ်များ

Thaburi 34:19

Andû arîa athingu matî mathîna meengî mûno, nwatî Ngai-Mûnene nîamavonokagia kuuma kûrî mo monthe.

Isaia 46:3

“Tathikîrîriani mue nyomba ya Jakovu, mue muonthe arîa mûtigarîte a nyomba ya Isiraeli. Naamûmbire na ndwîre nîmûmenyererete kuuma rîrîa mwaciarirwe.

Danieli 3:17

Ethîrwa nîtûgwikua mwakirî ûcio, Ngai wetû ûrîa tûtungataga nîagûtûvonokia kuuma mwakirî ûcio mûnene ûguo, na kuuma njararî ciaku.

Danieli 6:16

Kwoguo mûthamaki nîwathanire Danieli ocwe na aikue îrimarî rîa mînyambû. Nîwacokire akîra Danieli atîrî, “Ngai waku ûrîa ûtungatagîra wa mûthenya arokûvonokia.”

Ciîko 26:21

Nîûndû wa gîtûmi gîkî Ayahudi nîmaanyitire rîrîa naarî hekarûrî na makîgeria kûmbûraga.

Aroma 15:31

Voyani atî ngitîrwe kûrî andû arîa matetîkîtie arîa marî Judea, na mûvoe nîguo ûtungata wakwa kûu Jerusalemu wîtîkîrîke kûrî andû a Ngai.

2Akor 1:9

Ngororî cietû nîtwegucaga atî nîtwatuîrîrîtwe kûragwa. Nwatî ûguo wekîkire nîguo tûtikevoke vinya wetû tue ene, nwatî twîvoke Ngai ûrîa ûriûkagia arîa makuîte.

2Akor 6:9

Tûtucagwa ta andû matecîwe, nwatî nîtwîcîwe nî andû onthe. Tûtucagwa ta tûrî akuû, nwatî wata ûrîa mue mûrona tue tûrî mwoyo. Wana ethîrwa nîtûverithagua tûtiûragagwa.

1Tim 4:10

Ûvoro ûyû nîguo ûtûmaga tûthînîke na tûrute wîra na vinya, nîûndû tûrî na kîîrîgîrîro kûrî Ngai mûtûûra mwoyo ûrîa arî ke Mûvonokia wa andû onthe na makîria arîa metîkîtie.

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

1Sam 17:37

Ngai-Mûnene ûrîa ûmvonokagia kuuma kûrî mînyambû na ngatûnyi, nwake ûkamvonokia kuuma kûrî Mûfilisiti ûyû.” Nake Saûlo nîwerire Daudi atîrî, “Nî waro, thiî na Ngai-Mûnene aroîkara nawe.”

1Sam 7:12

Samueli nîwacokire agîoca îthiga, na akîrîvanda vau gatagatî ka Mizipa na Sheni, na akîrîtuîra rîîtwa akîrîta “Îthiga rîa Ûtethio,” na akiuga atîrî, “Ngai-Mûnene nîatûtethetie nginya ûmûnthî.”