1Tim 6:20 - ÎVUKU RÎA ÛVORO MWARO

²⁰ Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

1Tim 6:20 ပူးပေါင်းရင်းမြစ်များ

Ciîko 16:1

Nake Paûlo nîwathiîre Deribe na agîcoka akîthiî Listra, kûrîa Mûkristiano ûmwe wetagwa Timotheo aatûûraga. Ng'ina, ûrîa wa nake warî Mûkristiano, aarî Mûyahudi, nwatî îthe aarî Mûngiriki.

Ciîko 17:18

Nao arimû amwe arîa meendete mûno ûûgî wa Epikurio na Sitoiki wa nao nîmaakararanirie nake. Amwe gatagatîrî kao nîmaaûririe atîrî, “Mûvûmbûtîki ûyû arageria kuga atîa?” Nao engî gatagatîrî kao nîmaaugire atîrî, “Ke aronekana takwa arî mûvunjia wa ngai ng'eni.” O maaugire ûguo nîûndû Paûlo nîwavunjagia ûvoro wîgiî Jesû na wîgiî kûriûka.

Ciîko 17:21

(Andû onthe a Athene na arîa engî maatûûraga kuo maumîte mavûrûrirî mageni nîmeendete mûno gûtûmîra mavinda mao monthe kûvecana na kûthikîrîria ûndû wa wonthe mûgeni.)

Aroma 1:22

Maugaga nî aûgî nwatî nî irimû.

Aroma 3:2

Kûrî vata mûno! Ûndû wa mbere, Ayahudi nîo mevokeretwe ndûmîrîri nî Ngai.

1Akor 2:6

Kûnarî ûguo kûrî arîa marî na ûgima wa kîîroho, mbaragia maûndû ma ûûgî. Nwatî tî ûûgî ûrîa umîte gûkû nthî kana kûrî anene a gûkû nthî arîa marathira.

1Akor 3:19

Nîûndû kîrîa andû a gûkû nthî metaga ûûgî, Ngai agîtaga ûrimû. Kwandîkîtwe mandîkorî matheru atîrî, “Ngai atûmagîra wara wa andû arîa aûgî ûrî ta mûtego wa kûmatega.”

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

2Ath 1:4

Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

2Ath 2:15

Kwoguo ariû na aarî a îthe wetû, îkaragani mwîkindîrîtie na mûnyitîte mûno maûndû marîa twamûthomithirie na njîra ya kûmûvunjîria na ya maarûa îrîa twamwandîkîre.

1Tim 1:11

Maûndû mama mathomithanîtue marî Ûvororî Mwaro ûrîa naveerwe mvunjie. Ûvoro ûcio umaga kûrî Ngai ûrîa ûrî riiri na mûrathime.

1Tim 1:2

nîrandîka maarûa îno kûrî we Timotheo mwana wakwa wa ma wîtîkiorî: ûrogîa na wega, ntha na thayû kuuma kûrî Ngai îthe na kûrî Mwathani wetû Jesû Kristû.

1Tim 1:4

Wana nîmerwe matige kûgana ng'ano itarî na vata na kûvecana mûtaratara mûraca wa methe ma tene. Maûndû mama nîmo maretage ngarari na matitungataga mûvango wa Ngai ûrîa ûmenyekaga na njîra ya wîtîkio.

1Tim 1:6

Andû amwe nîmatiganîte na maûndû mama na magetonyia mîariorî îtarî na vata.

1Tim 1:9

Nîmwîcî atî watho ndwatuirwe nîûndû wa andû arîa aro, nwatî watuirwe nî ûndû wa andû arîa maunaga watho, arîa aganu, arîa matecî Ngai, arîa evia, arîa matavoyaga Ngai na maragia ûcûku wake, arîa maûragaga aciari ao na aûragani.

1Tim 4:7

Ndûkathikîrîrie ng'ano itarî vata na itarî cia Ngai. Îîthomithie gwîkara na mûtûûrîre wa Ûngai.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

1Tim 6:14

atî ûtuîke mwathîki na mwîvokeku îgûrû rîgiî mataaro monthe marîa ûvetwe nginya mûthenya ûrîa Mwathani wetû Jesû Kristû agaaûka.

2Tim 2:1

Kwoguo, we Timotheo mwana wakwa gîa na vinya nîûndû wa wega wa Ngai ûrîa twîthagîrwa tûrî naguo tûrî ndaarî ya Jesû Kristû.

2Tim 2:16

Îîthemage mîario îtarî ya ûngai nîûndû nîtûmaga andû maracavanîrîrie na Ngai.

Tito 1:14

na ûmeere matige kûthikîrîria ng'ano cia tene cia Ayahudi na maathani ma andû arîa mareganîte na ûvoro wa ma.

Tito 1:4

Kûrî Tito, mwana wakwa wa ma wîtîkiorî ûrîa tûgwatanîrîte. Ûrogîa na wega na thayû kuuma kûrî Ngai Vava na kuuma kûrî Jesû Kristû mûvonokia wetû.

Tito 1:9

Agîrîrwe nî kwîthîrwa arî mûndû mwîkindîriu ûvororî ûrîa ûngîîvokwa, na wîtîkanîtie na ûvoro wama ûrîa tûthomithagia. Kwoguo, akaavotaga kûmîrîria andû arîa engî na ûvoro wa ma na akavotaga kwonania mavîtia ma andû arîa maûregaga.

Tito 3:9

Nwatî îthemage ngarari cia ûrimû, ng'ano ciîgiî mûtaratara mûraca wa methe ma tene, na nyamûkano na mateta ma ûvoro wîgiî Watho. Maûndû mau matirî vata na gûtirî kîndû magunaga.

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.