1Tim 6:10 - ÎVUKU RÎA ÛVORO MWARO

¹⁰ Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

1Tim 6:10 ပူးပေါင်းရင်းမြစ်များ

Kîam 29:14

Kwoguo Labani nîwerire Jakovu atîrî, “Nama nie nawe twî kîndû kîmwe.” Jakovu nîwekarire kûu mweri ûmwe.

Kîam 29:26

Labani nîwamûcokerie atîrî, “Naarî, tî mûtugo wetû kûnenganîra mwîrîtu ûrîa mûnini mbere ya ûrîa mûkûrû.

Kîam 34:27

Vuva wa kûragana, avîcî acio engî a Jakovu nîmaathiîre kûu kwaûraganîtwe na magîtava indo îtûûrarî rîu nîguo merîvîrîrie maûndû ma gîconoko marîa mwarwang'ina eekîtwe.

Kîam 38:16

Juda nîwathiîre kûrî Tamarû mûkîrarî wa njîra, na akîmwîra atîrî, “Ûka tûmenyane nawe kîîmwîrî.” (Juda akîmwîra ûguo ndaamenyaga kana nî mûka wa mûvîcî aaragîria.) Nake Tamarû nîwamûririe atîrî, “Nîûmva ndûî nîguo mbûke tûmenyane nawe kîîmwîrî?”

1Atha 2:40

nîwatwîre îgûrû rîa mvunda yake na akîthiî Gathu kûrî mûthamaki Akishi gûcaria ndungata ciake. Nîwamonire na akîmacokia mûciî kuuma Gathu.

2Atha 5:27

Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

Thaburi 32:10

Andû arîa aganu nî makoona mathîna meengî, arîa mevokete Ngai-Mûnene nî agitîre nî wendo wake ûtathiraga.

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Nthi 1:19

Ûguo nîguo njîra cia acunani ciîkariî, maûragagwa nî indo irîa macunanîte.

Nthi 1:31

Kwoguo, nîmûkaarîa matunda ma mîthiîre yenyu, na mûvûnue nî mîvango yenyu.

Nthi 15:27

Andû arîa mendaga kûgîa ûtonga na njîra îtarî mbagîrîru matûmaga mîciî yao îgîe na thîna, nwatî andû arîa mathûrîte mavaki nî matûûraga îvinda îraca.

Mûvunjia 2:19

Nû wicî kana akethîrwa arî mûûgî kana arî kîrimû? Kûnarî ûguo, indo cionthe irîa naacaririe gûkû nthî ngîtûmagîra ûûgî wakwa nwanginya ngaamûtigîra cio. Ûyû wana guo nî wîra wa mana.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 16:33

Arûme nîmavecaga maraa monthe indo, nwatî we nîwe wamavecaga. Wamavakaga makauma kûndû kuonthe nîguo ûrûthe ûmaraa nao.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 6:19

“Tigagani kwîigîra ûtonga wenyu gûkû nthî kûrîa ûrîcagwa nî igunyû, ûrotaga ûgacûka, na kûrîa kûvunjagwa nî aîi makawîa.

Maariko 4:19

nwatî mathîna ma gûkû nthî, ta kwenda ûtonga, wa vamwe na merirîria ma mîthemba na mîthemba, makathararia ndûmîrîri îo nginya magatura maciaro.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

Gûco 23:18

Mûtikanavire nyombarî ya Ngai kîrîa kîonekete kuumana na wîra wa ûmaraa, ûrî wa aka kana ûrî wa arûme, kîrî gîa kûrîva kîrîa wîranîrîte na mwîvîtwa. Ngai-Mûnene Ngai wenyu nîathûrîte ciîko icio wa cioîrî.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 6:21

Andû amwe maugaga atî marî na ûmenyo ûcio na kwoguo magatiganîria wîtîkio ûrîa wa ma. Wega wa Mwathani ûroekara namue muonthe.

1Tim 6:9

Nwatî andû arîa meriragîria gûtonga nîmagûcaga mageriorî na mûtegorî wa kwîrirîria maûndû ma ûrimû na ma kûmacûkangia.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Tito 1:11

Andû acio nîmagîrîrwe nî kûgirua marie nîûndû nî macûkîtie mîciî mîîngî na njîra ya kûthomithania maûndû marîa mataagîrîrîte. Mekaga ûguo nîûndû wa gûcaria mbeca na njîra îrîa îtagîrîrîte.

Jakuvu 5:19

Ariû na aarî a îthe wetû, ethîrwa gatagatîrî kenyu nîkûrî mûndû wana ûmwe ûûrîte akauma ûvororî wa ma nake mûndû wîngî akamûcokia,

Josh 7:21

indo imwe cia irîa twacûkangagia nînonire nguo mbaro yarî ya kuuma Babuloni, kilo igîrî cia sîlûva na thaavu yarî na ûrito wa nuthu kilo. Nonire irî mbaro na ngîciîrirîria na ngîcioca. Indo icio nîithithîte îrimarî nenjire îgemarî rîakwa. Mûgaaciona irî vamwe na sîlûva îrî rungu rwa cio.”

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

Kûguû 18:13

Nî mendagia mîthemba yonthe ya maguta na mîtu ya goro yanungaga waro mûno. Nî mendagia indo cia kûrîwa na kûnyua ta ndivei, maguta, mûtu, ngano, ng'ombe, ng'ondu, na mbarathi, ikaari cia gûkuua andû kana mîrigo, na makendia ngombo. Indo icio cionthe itiagûragwa.