1Tim 5:17 - ÎVUKU RÎA ÛVORO MWARO

¹⁷ Athuuri a kanitha arîa matongoragia waro nîmagîrîrwe nî kûvewa mûcara mwaro, makîrîa arîa marutaga wîra na vinya wa kûvunjia na kûthomithia.

1Tim 5:17 ပူးပေါင်းရင်းမြစ်များ

2Atha 2:9

Maringa rûnjî, Elija nîwerire Elisha atîrî, “Mbîra ûrîa ûkwenda ngwîkîre mbere ya nthengutue kûrî we.” Nake Elisha nîwaugire atîrî, “Nakûthaitha ûngaîre gîcunjî Kîam roho waku maita maîrî.”

Isaia 40:2

Arîriani andû a Jerusalemu na ûvoreri. Na mûmeere atî ûkomborî ûrîa mararî nîwathira, na mevia mao nîmoverwa. Na atî Ngai-Mûnene amaverithîtie kwîgana nîûndû wa mevia mao monthe.”

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Jeremia 17:18

Arîa manyariraga maroconorithua, nwatî ndûgatûme njonorithua, marogîa na guoya, nwatî ndûgatûme ngîa na guoya, ûrotûma makinyîrwe nî mavinda ma thîna, maretithîrie mûthiro ûmathirie viû.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Ndari 18:31

We na andû a mûciî waku nwa mûrîîre irio icio ciîngî vandû wa vonthe nîûndû rîu nîrîo îrîvi rîenyu nîûndû wa gûtungata îgemarî rîa Ngai-Mûnene.

Mathaayo 24:25

Tathikîrîriani! Nie namwîra maûndû mama mbere ya mekîke.

Luka 10:7

Îkaragani mûciîrî ûcio mûkîrîcaga na mûkînyunyaga kîndû wa kîonthe kîrîa andû akuo makamûnengagîra, nîûndû mûthûkûmi nîwagîrîrwe kûvewa mûcara wake. Mûtikaûrûrage kuuma mûciîrî ûmwe nginya ûrîa wîngî.

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Johana 4:38

Nie namûtûma mûthiî mûgakethe maciaro kuuma mûgûndarî ûrîa mue mûtaarutîra wîra. Andû engî nîo maaûrutîre wîra, namue mûragunîka kuumana na wîra wao.”

Ciîko 11:30

Kwoguo nîmaarutire mbeca na makîinenganîra kûrî Baranaba na Saûlo nîguo maivire kûrî athuuri a kanitha.

Ciîko 20:35

Nie nînîmwonetie maûndûrî monthe atî wata ûrîa naarutaga wîra nîrî na kîîo kîîngî wa namue nwa nginya mwîkage guo nîguo mûtethagie andû arîa matarî na vinya. Nie nînîmwîrîte mûririkanage ciugo irîa Mwathani Jesû ke mwene aaugire atîrî, ‘Nîkwîthagîrwa kûrî na gîkeno makîria mûndû akîvecana gûkîra akîvewa.’ ”

Ciîko 28:10

Nao andû acio nîmaatûvere indo nyîngî. Na rîrîa twevarîrie kuuma kûu, nîmeekîrire indo nyîngî merirî irîa twavatarîte nîûndû wa rûgendo.

Aroma 12:8

Ûrîa ûrî na kîveo gîa kûûmanîrîria, nwanginya aûmanagîrîrie. Ûrîa ûrî na kîveo gîa kûvecana indo ciake, nî avecanage na ûtaana. Mûndû ûrîa ûrî na kîveo gîa ûtongoria nî atongoragie na kîîo. Mûndû ûrîa ûrî na kîveo gîa kwîgucanîra ntha nîegucanagîre ntha akenete.

Aroma 15:27

O ene nîmaakenere gwîka ûguo na nî ma nîmaagîrîrwe nî kûmatethia. Nîûndû ethîrwa Ayahudi nîmagaanîte kîrathimo Kîamo gîa kîîroho na andû a Ndûrîrî, andû a Ndûrîrî wanao nîmagîrîrwe nî kûruta indo ciao nîguo matethie Ayahudi.

Aroma 16:12

Kethiani Turufena na Turufosa, aka arîa marutaga wîra wa Mwathani na kîîo.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 16:16

mwathîkagîre andû ta acio na mûndû wîngî wa wonthe ûrîa ûrutaga wîra na agatungata vamwe nao.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 6:6

Mûndû ûrîa ûthomithagua ûvoro wa Kristû nîwagîrîrwe nî kûgaanaga maûndû monthe maro na mûndû ûrîa ûramûthomithia.

Gûco 18:8

Akaavecagwa irio wata irîa athînjîri-Ngai acio engî makûvewa gûtagûtarwa mbeca irîa amûkîrîte kuuma kûrî indo cia mûciî wao irîa ciendetue

Afil 2:16

rîrîa mûkûmava ndûmîrîri îgiî ûvoro wa mwoyo. Mweka ûguo, nîngaagîa na gîtûmi Kîam gwîtîîa nîûndû wenyu mûthenya wa gûka gwa Kristû. Ûndû ûcio nîûkoonania atî kîîo gîakwa wa vamwe na wîra wakwa itiarî cia mana.

Afil 2:29

Mwamûkîreni mûrî na gîkeno ta mûrû wa îthe wetû rîîtwarî rîa Mwathani. Vecagani andû onthe gîtîîo na makîria arîa mavana take,

Afil 4:3

Wa nawe mûrata wakwa mwîvokeku, nîngwenda ûtethagîrîrie aka aya. Nîndutithanîtie wîra wa kûvunjia ûvoro mwaro nao, wa vamwe na Kîlementi marî na andû onthe arîa twarutithanagia wîra nao arîa marîîtwa mao mandîkîtwe îvukuurî rîa mwoyo.

1Tim 3:5

Nîûndû ethîrwa mûndû ndaicî kûmenyerera mûciî wake, angîvota atîa kûmenyerera kanitha wa Ngai?

1Tim 4:10

Ûvoro ûyû nîguo ûtûmaga tûthînîke na tûrute wîra na vinya, nîûndû tûrî na kîîrîgîrîro kûrî Ngai mûtûûra mwoyo ûrîa arî ke Mûvonokia wa andû onthe na makîria arîa metîkîtie.

1Tim 4:14

Tûmîra kîveo Kîam roho kîrîa ûrî nakîo na waveerwe rîrîa arathi maaririe nao athuuri magîkwigîrîra njara.

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

1Tim 5:19

Ndûgetîkîre mûthuuri wa kanitha athitangwe, tiga nwa vethîrîtwe varî aira aîrî kana athatû.

1Tim 5:3

Menyagîrîra aka a ndigwa arîa matarî na andû mangîmatethia.

2Tim 2:6

Mûrîmi ûrîa ûrutaga wîra na kîîo nîke wagîrîrwe kûrîa maciaro ma mbere ma mûgûnda.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Ahib 13:24

Kethiani atongoria enyu onthe wana etîkia onthe. Ariû na aarî a îthe wetû kuuma Italia nîmamûkethia.

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.