1Tim 4:8 - ÎVUKU RÎA ÛVORO MWARO

⁸ Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

1Tim 4:8 ပူးပေါင်းရင်းမြစ်များ

Ayubu 22:2

“Mûndû ethagîrwa arî na vata ûrîkû kûrî Ngai? Nama mûndû ûrîa mûûgî nwake ûngîîguna.

Ayubu 36:11

Nao mangîathîkîra Ngai na mamûtungatîre, nî makarathimwa ûtûûrorî wao wonthe, na mîaka yonthe methagîrwe marî na gîkeno.

Thaburi 145:19

Nîavingagia mavata ma arîa onthe mamûtîîte, nîegucaga kîrîro Kîamo na akamavonokia.

Thaburi 37:11

Nwatî andû arîa avooreri nîo makeegwatîra nthî, na makenagîre ûtûûro mwaro na thayû.

Thaburi 37:29

Andû arîa athingu nîmakaagaa nthî, na matûûre kuo tene na tene.

Thaburi 37:9

Andû arîa mekaga maûndû macûku nîmagaacûkangua, nwatî arîa mevokete Ngai-Mûnene nîo makegwatîra nthî.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Nthi 19:23

Gwîtigîra Ngai-Mûnene nî gûtûmaga mûndû atûûre îvinda îraca, na mûndû atûûraga arî mwîganîru na ndangînyitwa nî ûndû mûcûku.

Nthi 22:4

Kîveo Kîam wînyivia na gwîtigîra Ngai-Mûnene nî ûtonga, gîtîîo na ûtûûro mûraca.

Mûvunjia 8:12

Andû arîa evia mekaga maûndû macûku maita îgana na magatûûra îvinda îraca. Kûnarî ûguo nîmbicî atî andû arîa magoocaga Ngai nîmakaagîa na maûndû maro nîûndû wa kûmûgooca.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Mathaayo 12:32

Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Maariko 10:30

nîakaagîa na ûtonga mwîngî rûciarorî rûrû, na acoke agîe na maita îgana, ma nyomba na ma aa mûrwang'ina, na aa mwarwang'ina; na aa ng'ina, na ciana, na mîgûnda na acoke anyamarue na vuva wa ûtûûro ûyû agîe na mwoyo wa tene na tene.

Luka 5:38

Vandû va ûguo, ndivei ya kûvivwa warîo nwa nginya îkîrwe mboororî îno njerû!

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

1Akor 3:22

Paûlo, Apolo, na Petero wana nthî îno, mwoyo, gîkuû, maûndû marîa marî kuo rîu na marîa magaaûka, mau monthe nî menyu.

1Akor 8:8

Irio tî cio ingîtûma twîtîkîrwe nî Ngai. Kûrîa gûtingîtûma tûrwe nî kîndû wana kîrîkû, na tî kuo kûngîtûma tûgîe na umithio wana ûrîkû.

1Tim 4:7

Ndûkathikîrîrie ng'ano itarî vata na itarî cia Ngai. Îîthomithie gwîkara na mûtûûrîre wa Ûngai.

1Tim 6:3

Mûndû wa wonthe ûthomithagia ûndû mûgeni na ûndû ûtakwîgucana na ndûmîrîri ya ma ya Mwathani wetû Jesû Kristû, na maûndû marîa mathomithanagua nî ndini yetû,

1Tim 6:5

na ngarari vîndî cionthe kuuma kûrî andû arîa matarî na meciria maro na matiganagîria ûma. Andû ta aya meciragia gûtuîka mûkristiano nî njîra îmwe ya gûtonga.

1Tim 6:6

Gûtuîka Mûkristiano nî gûtûmaga mûndû agîe na ûtonga mûnene ethîrwa tu mûndû nîmwîganîru na kîrîa arî na kîo.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

1Joh 2:25

Kîveo kîrîa Kristû aatwîrîre nî mwoyo wa tene na tene.

Kûguû 3:12

Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.