1Tim 4:7 - ÎVUKU RÎA ÛVORO MWARO

⁷ Ndûkathikîrîrie ng'ano itarî vata na itarî cia Ngai. Îîthomithie gwîkara na mûtûûrîre wa Ûngai.

1Tim 4:7 ပူးပေါင်းရင်းမြစ်များ

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

1Tim 1:4

Wana nîmerwe matige kûgana ng'ano itarî na vata na kûvecana mûtaratara mûraca wa methe ma tene. Maûndû mama nîmo maretage ngarari na matitungataga mûvango wa Ngai ûrîa ûmenyekaga na njîra ya wîtîkio.

1Tim 1:9

Nîmwîcî atî watho ndwatuirwe nîûndû wa andû arîa aro, nwatî watuirwe nî ûndû wa andû arîa maunaga watho, arîa aganu, arîa matecî Ngai, arîa evia, arîa matavoyaga Ngai na maragia ûcûku wake, arîa maûragaga aciari ao na aûragani.

1Tim 2:10

Nwatî nîmekage ciîko mbaro irîa ciagîrîrwe nî gwîkwa nî aka arîa maugaga nîmagoocaga Ngai.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

1Tim 6:3

Mûndû wa wonthe ûthomithagia ûndû mûgeni na ûndû ûtakwîgucana na ndûmîrîri ya ma ya Mwathani wetû Jesû Kristû, na maûndû marîa mathomithanagua nî ndini yetû,

1Tim 6:5

na ngarari vîndî cionthe kuuma kûrî andû arîa matarî na meciria maro na matiganagîria ûma. Andû ta aya meciragia gûtuîka mûkristiano nî njîra îmwe ya gûtonga.

2Tim 2:16

Îîthemage mîario îtarî ya ûngai nîûndû nîtûmaga andû maracavanîrîrie na Ngai.

2Tim 2:23

Reganaga na ngarari cia ûrimû na gûtura ûmenyo, nîûndû we nîwîcî atî iretage înegene.

2Tim 3:12

Mûndû wa wonthe wendaga gûtûûra arî mûrûmîrîri wa Jesû Kristû nwa nginya anyamarue.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.

2Tim 4:4

Andû nîmaakagarûrûka matige kûrûmîrîra ûma na macoke mathikaagîrîrie ng'ano cia gwîtungîra.

Tito 1:14

na ûmeere matige kûthikîrîria ng'ano cia tene cia Ayahudi na maathani ma andû arîa mareganîte na ûvoro wa ma.

Tito 2:12

Wega ûcio wa Ngai nîûtûtaaraga tûreganage na maûndû marîa matarî ma ûngai na tûtigane na merirîria ma maûndû ma gûkû nthî. Wega ûcio nîûtûtaaraga twîkarage twînyitîtie maûndûrî, tûrî andû arûngîrîru na twîtîkîtie Ngai rîrîa tûrî nthî îno.

Tito 3:9

Nwatî îthemage ngarari cia ûrimû, ng'ano ciîgiî mûtaratara mûraca wa methe ma tene, na nyamûkano na mateta ma ûvoro wîgiî Watho. Maûndû mau matirî vata na gûtirî kîndû magunaga.

Ahib 5:14

Nwatî irio ino nyûmû nî cia andû agima, arîa marutîtwe na njîra ya ciîko gûkûûrana maûndû maro na maûndû macûku.