1Tim 4:15 - ÎVUKU RÎA ÛVORO MWARO

¹⁵ Thiî na mbere gwîka maûndû mama wîvecanîte viû nîguo ûthiîi waku wa na mbere woneke nî andû onthe.

1Tim 4:15 ပူးပေါင်းရင်းမြစ်များ

Thaburi 1:2

Vandû va ûguo, nîakenaga nî watho wa Ngai-Mûnene, na ageciria îgûrû rîa guo ûtukû na mûthenya.

Thaburi 104:34

Ngai-Mûnene arokenua nî meciria makwa, nîûndû gîkeno gîakwa kiumaga varî ke.

Thaburi 105:5

Ririkanani maûndû ma magegania marîa eekire, ciama ciake na ûrîa aaririe ûvoro wa gûtucanîra ciira.

Thaburi 119:148

Ûtukû wonthe ndimamaga, nîguo nîcirie ûvoro wa ciîranîro ciaku.

Thaburi 119:15

Nînîciragia na vinya ûvoro wîgiî mawatho maku, na nînûmagîrîra njîra ciaku.

Thaburi 119:23

Wana ethîrwa athani nîmavangaga maregane nanie, nie ndungata yaku ngeciragia na vinya ûvoro wîgiî mawatho maku.

Thaburi 119:48

Nîndîîte maathani maku na nînîmendete, na nîngeciria ûvoro wîgiî irîra ciaku.

Thaburi 119:97

Ûûi, kaî nîmendete watho waku-î! Ndindaga ngîîciria ûvoro waguo mûthenya mûgima.

Thaburi 119:99

Nîrî na ûtaûku mwîngî gûkîra arimû akwa onthe, nîûndû nînîciragia na vinya ûvoro wa mataaro maku.

Thaburi 143:5

Nîndirikanaga mîthenya ya tene, ngeciragia na vinya maûndû monthe marîa waneka, na ngaririkana maûndû monthe marîa wîkîte.

Thaburi 19:14

Ciugo ciakwa na meciria makwa maroîtîkîrîka nîwe, we Ngai-Mûnene, mûgitîri wakwa na mûvonokia wakwa!

Thaburi 49:3

Nîmbaria ciugo irî ûûgî; meciria makwa methîrwe marî na ûmenyo.

Thaburi 63:6

Nîngûririkanaga mamîte ûrîrî; na ngeciria ûvoro waku ûtukû mûgima,

Thaburi 77:12

Nîngeciria na vinya ûvoro wa maûndû monthe marîa wîkîte; na nîîcirie ûvoro wa ciîko ciaku cia vinya.

Ndari 8:26

Nwa atethagîrîrie Alawi acio engî gûtungata îgemarî rîa Ngai-Mûnene. Nwatî ndagîrîrwe nî kûruta wîra arî wenga.”

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Ciîko 6:4

Nwatî tue nîtûthiî na mbere kwîvecana ûvororî wîgiî mavoya na wîra wa kûvunjia ndûmîrîri ya Ngai.”

1Akor 16:15

Mue ariû na aarî a îthe wetû, nîmwicî ûvoro wîgiî Stefana na andû a mûciî wake. Nîmwicî atî nîo maarî a mbere gwîtîkia îtûûrarî rîa Akaia na atî nîmevecanîte matungatîre andû a Ngai. Nie nîramûthaitha

2Akor 4:14

Nîtwîcî atî Ngai ûrîa wariûkirie Mwathani Jesû nî agaatûriûkia vamwe na Jesû na atwige tûrî vamwe namue mbere yake.

2Akor 8:5

Meekire makîria ya ûrîa tûngîerîgîrîre! Mbere maambire makîîvecana kûrî Mwathani na magîcoka makîîvecana kûrî tue nîûndû wa wendi wa Ngai.

1Tim 4:14

Tûmîra kîveo Kîam roho kîrîa ûrî nakîo na waveerwe rîrîa arathi maaririe nao athuuri magîkwigîrîra njara.

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Josh 1:8

Ririkanaga vîndî cionthe kûthoma îvuku rîîrî rîa watho vîndî îrîa mûkûgooca. Rîthomage ûtukû na mûthenya, na wonage atî nîwathîkîra ûrîa wonthe rîandîkîtwe, nawe nîûkaagîa na mûtûûrîre mwaro.