1Tim 4:13 - ÎVUKU RÎA ÛVORO MWARO

¹³ Thiî na mbere kûthomera andû mandîko matheru, kûmaûmîrîria na kûmathomithia nginya rîrîa ngaacoka.

1Tim 4:13 ပူးပေါင်းရင်းမြစ်များ

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Ciîko 6:4

Nwatî tue nîtûthiî na mbere kwîvecana ûvororî wîgiî mavoya na wîra wa kûvunjia ndûmîrîri ya Ngai.”

Aroma 12:8

Ûrîa ûrî na kîveo gîa kûûmanîrîria, nwanginya aûmanagîrîrie. Ûrîa ûrî na kîveo gîa kûvecana indo ciake, nî avecanage na ûtaana. Mûndû ûrîa ûrî na kîveo gîa ûtongoria nî atongoragie na kîîo. Mûndû ûrîa ûrî na kîveo gîa kwîgucanîra ntha nîegucanagîre ntha akenete.

1Akor 14:26

Kwoguo ariû na aarî a îthe wetû, vîndî îrîa mûcemanîtie vamwe nîûndû wa kûgooca, mûndû ûmwe nîethagîrwe arî na rwîmbo, wîngî ethagîrwe arî na kîthomo, wîngî ethagîrwe arî na ûguûrio kuuma kûrî Ngai, wîngî ethagîrwe akîaria na nthiomi na wîngî ethagîrwe nîaravota gûtaûra ûrîa nthiomi icio ciugîte. Mworoto wa maûndû mama monthe wagîrîrwe nî kwîthîrwa ûrî wa gwîkîra kanitha vinya.

1Akor 14:3

Nwatî arîa managîrîra ndûmîrîri ya Ngai kûrî andû methagîrwa makîarîria andû acio makîmekîra vinya, makîmaûmîrîria na makîmavoreria.

1Akor 14:6

Kwoguo ariû na aarî a îthe wetû, ngaûka kûrî mue ngîaragia na nthiomi, nîngîthîrwa nîrî wa vata ûrîkû kûrî mue? Ndingîthîrwa nîrî na vata kûrî mue wana vanini, tiga nwanga mbûkîte kûmûretere ûguûrio, ûmenyo, ûrathi kana kîthomo.

Gûco 17:19

Akeethagîrwa na îvuku rîîrî vîndî cionthe na arîthomage ûtûûrorî wake wonthe, nîguo amenyage gwîtigîra Ngai-Mûnene Ngai wake, na kwathîkîra na kinyi maathani monthe na irîra irîa ciandîkîtwe wathorî ûcio.

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.

Josh 1:8

Ririkanaga vîndî cionthe kûthoma îvuku rîîrî rîa watho vîndî îrîa mûkûgooca. Rîthomage ûtukû na mûthenya, na wonage atî nîwathîkîra ûrîa wonthe rîandîkîtwe, nawe nîûkaagîa na mûtûûrîre mwaro.