1Tim 3:6 - ÎVUKU RÎA ÛVORO MWARO

⁶ Mûtongoria wa kanitha agîrîrwe nî kwîthîrwa arî mûndû ûtarî mwîthî wîtîkiorî, nîguo ndakagîe na mwîtîîo mwîngî na atuîrwe wata ûrîa Ngoma aatuîrîrwe.

1Tim 3:6 ပူးပေါင်းရင်းမြစ်များ

2Atha 14:10

Nîma Amazia rîu nîûvootete andû a Edomu, na wî mwîcûre nî mwîtîîo. Îganîra na ngumo îo yaku na wîkare mûciî. Ûracaria thîna îrîa îgaakûretere mînyamaaro we na andû aku a Juda nîkî?”

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

2Maû 32:25

Nwatî Hezekia nîwaregire gûcokeria Ngai-Mûnene ngatho nîûndû wa maûndû marîa aamwîkîte. Hezekia nîwagîre na mwîtîîo na ûndû ûcio ûgîtûma Juda na Jerusalemu iverithua nî Ngai-Mûnene.

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Danieli 11:12

Nîagaakena mûno arîkia kûvoota gîkundi kîu Kîam athigari a Sîria, nwatî ndagaatûûra avootanaga.

Luka 10:18

Nake Jesû nîwamacokerie atîrî, “Nie nîronire Caitani akîgwa nthî wa rîmwe kuuma îgûrû wata ûrîa rûveni rûvenûkaga.

1Akor 3:1

Ariû na aarî a îthe wetû, nie ndingîavotire kûmwarîria ta ûrîa mbaragîria andû arîa marî na Roho. Vandû va ûguo namwarîrie ta mûrî andû a nthî wata ûrîa nîngîarîria andû arîa methagîrwa mekariî ta tûkenge wîtîkiorî wa Kristû.

1Akor 8:1

Rîu nînîrenda kwaria ûvoro wîgiî irio irîa irutîrîtwe mîvuanano. Îni nîtîcî na ma atî tuonthe twîthagîrwa tûrî na ûmenyo. Ûmenyo ûcio wetû nîguo ûtûmaga mûndû ecûrwe nî mwîtîîo, nwatî wendani nîwîkanagîra vinya.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

Gûco 17:20

Eka ûguo, ndakeyona arî mûnene gûkîra andû acio engî a Isiraeli, na gûtirî vîndî akaarega kwathîkîra maathani ma Ngai nîguo mûthamaki ûcio na njiarwa ciake makaathana îvinda îraca kûu Isiraeli.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

1Tim 3:7

Agîrîrwe nî kwîthîrwa arî mûtîîe nî andû arîa matarî a kanitha, nîguo ndagaconorwe nîo na ndakagwe mûtegorî wa Ngoma.

1Tim 6:4

mûndû ûcio nî mwîtîi na gûtirî ûndû ecî. Mûndû ûcio ethagîrwa arî na mûrimû wa kwenda ngarari na gûteta ûvororî wîgiî ciugo. Ûndû ûyû nîûretaga wîru, înegene, irumi, gwîciiranîria naaî,

2Tim 3:4

nîmagaatuîka acukanîrîri, arûgîrîri na etîi mûno. Nîmagaatuîka andû a kwenda maûndû marîa macûku vandû va kwenda maûndû marîa maro.

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.