1Tim 3:3 - ÎVUKU RÎA ÛVORO MWARO

³ Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 3:3 ပူးပေါင်းရင်းမြစ်များ

Nthi 1:19

Ûguo nîguo njîra cia acunani ciîkariî, maûragagwa nî indo irîa macunanîte.

Nthi 15:27

Andû arîa mendaga kûgîa ûtonga na njîra îtarî mbagîrîru matûmaga mîciî yao îgîe na thîna, nwatî andû arîa mathûrîte mavaki nî matûûraga îvinda îraca.

Mûvunjia 7:8

Kîambîrîria Kîam ûndû nî Kîamro gûkîra kîrîkîro Kîamguo. Gûkirîrîria nî kwaro gûkîra mwîtîîo.

Isaia 28:1

Kaî andû a Efiraimu arîa mîrîu marî na thîna-î, ûthaka wa riiri wao ûrathira ta ûrîa yûa rîvovaga, ûthaka wao ûrîa ûvana ta maûa maravova maigîrîrîtwe ciongorî cia atongoria acio marîtwe nî ndivei.

Isaia 28:7

Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Ezek 44:21

Athînjîri-Ngai matikanyue ndivei magîtonya kîvarorî Kîam ndarî.

Alawi 10:9

“We kana avîcî aku mûtikanyue ndivei kana njovi rîrîa mûgûtonya îgemarî rîa Ngai-Mûnene. Mweka ûguo nî mûgaakua. Watho ûyû nîûtûûra ûrûmagîrîrwa nî njiarwa ciaku cionthe tene na tene.

Mika 2:11

Ethîrwa mûndû nwa athiî akîaragia maveeni, akiugaga atî, ‘Nîmûrathagîra atî ndivei na njovi nîciîthîrwa irî nyîngî,’ mûvunjia ta ûcio nîke andû aya mangîenda.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Mathaayo 21:13

Nake nîwamerire atîrî, “Ngai augîte Mandîkorî make matheru atîrî, ‘Nyomba yakwa îgeetagwa nyomba ya kûvoyagîrwa.’ Nwatî mue mûmîtuîte ngurunga ya acunani!”

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

1Tim 3:8

Atungati a kanitha wa nao, nwa nginya methagîrwe marî na mîtugo mîaro na marî evokeku. Matiagîrîrwe nî kûnyua ndivei nyîngî kana gûkorokera mbeca.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.

Tito 1:11

Andû acio nîmagîrîrwe nî kûgirua marie nîûndû nî macûkîtie mîciî mîîngî na njîra ya kûthomithania maûndû marîa mataagîrîrîte. Mekaga ûguo nîûndû wa gûcaria mbeca na njîra îrîa îtagîrîrîte.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

Tito 2:3

Na njîra wata îno, îra aka arîa akûrû mekare na mîtugo îrîa aka arîa atheru magîrîrwe nî kwîthîrwa nayo. Matiagîrîrwe nî gûtuîka aka a gûcukanaga, kana matuîke ngombo cia ndivei. Meere atî nwa nginya mathomithanagie maûndû marîa maro,

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Jakuvu 4:1

Mbaara na gûtetania ciumaga kû gatagatîrî kenyu? Ciumanaga na kwîgua ngumba ya maûndû marîa meriragîrua nî mîîrî yenyu, na marûaga vîndî cionthe ndaarî yenyu.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.

1Sam 8:3

Nwatî anake acio a Samueli matiarûmîrîra maûndû marîa îthe eekaga; maacaragia ûtonga tu; kwoguo nîmeetagia mavaki na matiatucaga ciira na kîvooto.