1Tim 3:11 - ÎVUKU RÎA ÛVORO MWARO

¹¹ Aka ao nao magîrîrwe nîkwîthîrwa marî na mîtugo mîaro na matarî na ngutû. Nwa nginya methîrwe marî andû meîguîte na marî evokeku maûndûrî monthe.

1Tim 3:11 ပူးပေါင်းရင်းမြစ်များ

Thaburi 101:5

Nîngaacûkangia mûndû ûrîa ûkaaguta mûndû ûrîa wîngî, ndigeekarania na mûndû mwîtîi na mwaganu.

Thaburi 15:3

na matacambagia andû arîa engî, na matavîtagîria arata ao, kana maguuta andû arîa mariganîtie nao.

Thaburi 50:20

Nîwaragia maûndû macûku îgûrû rîgiî mûndû ûrîa wîngî, na ûgacambia mûrwanyûkwe.

Nthi 10:18

Mûndû ûrîa ûthithaga ûthû ngororî nî mûthaani. Mûndû ûrîa ûgutanaga nî kîrimû.

Nthi 25:13

Mûnjaama mwîvokeku nîakenagia ûrîa ûmûtûmîte, ta ûrîa manjî ma mvevo makenagia mûndû kûrî na ûrugarî vîndî ya maketha.

Jeremia 9:4

Mûndû wa wonthe nî emenyerere kûrî arîa mariganîtie nake, na ndakaige mwîvoko kûrî mûrwang'ina, nîûndû andû onthe ao nî a maveeni, na mûndû wa wonthe athiîcaga agîcambagia arata ake.

Ezek 44:22

Gûtirî mûthînjîri-Ngai ûkaavikia mûndûmûka matiganîte na mûrûme, nwa avikirie mwîrîtu nthingi Mûisiraeli kana mûndûmûka wa ndigwa wa mûthînjîri-Ngai wîngî akuîte.

Alawi 21:7

Gûtirî mûthînjîri-Ngai ûkaavikia mûndûmûka mûmaraa kana mûndûmûka ûtarî nthingi kana mûndûmûka matiganîte na mûrûme, nîûndû mûthînjîri-Ngai nî mûndû mûtheru.

Mathaayo 4:1

Na vuva wa ûguo Jesû nîwavirirwe nî Roho werûrî nîguo akagerue nî Ngoma.

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Aroma 1:29

Nîmecûrirwe nî waganu wa mîthemba yonthe, maûndû macûku, ûkoroku na ûthû. Mecûrîtwe nî wîru, ûragani, mbaara, maveeni na gwîcirîria andû arîa engî naaî.

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,

1Tim 3:2

Mûtongoria wa kanitha nwa nginya ethîrwe atarî na ûcuke, nwa nginya ethîrwe avikîtie mûndûmûka ûmwe tu, mûndû wîîguîte, mûndû ûrî na ûvoti wa kwatha merirîria ma mwîrî, mûndû ûrî na mîthiîre mîaro, mûndû ûgwataga andû ûgeni gwake mûciî, mûndû ûngîvota kûthomithia.

1Tim 6:2

Ngombo itiagîrîrwe nî kûnyarara anene a cio nîûndû atî anene nî etîkia wata cio. Nwatî nîciagîrîrwe nî gûtungata athani a cio waro makîria. Nîûndû andû arîa magunîkaga kuumana na ûtungata ûcio wao, nî etîkia arîa o mendete. Nwanginya ûvunjagie na ûthomithagie maûndû mama.

2Tim 3:3

Andû matangîtugana, andû matarî ntha, andû a ngutû, andû matûmaga andû magîa na guoya na andû mathûraga maûndû marîa maro,

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.

Tito 2:3

Na njîra wata îno, îra aka arîa akûrû mekare na mîtugo îrîa aka arîa atheru magîrîrwe nî kwîthîrwa nayo. Matiagîrîrwe nî gûtuîka aka a gûcukanaga, kana matuîke ngombo cia ndivei. Meere atî nwa nginya mathomithanagie maûndû marîa maro,

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.