1Tim 1:13 - ÎVUKU RÎA ÛVORO MWARO

¹³ wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

1Tim 1:13 ပူးပေါင်းရင်းမြစ်များ

Hosea 2:23

Nîngatûma andû akwa vûrûrirî ûcio mevande na mathatûkwe. Nîngeguîra ntha, ‘Ûrîa ûtegucagîrwa ntha,’ nao arîa metirwe ‘Tî akwa,’ nîngamera, ‘Mue mûrî andû akwa.’ Nao nîmakaauga, ‘We nîwe Ngai wetû.’ ”

Alawi 13:16

Nwatî rîrîa îtoo rîkaavora na rîcerûve rîngî, mûndû ûcio nîakaathiî kûrî mûthînjîri-Ngai,

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Luka 12:47

“Nayo ndungata îrîa îcî ûndû ûrîa mwathi wayo endaga îke, nwatî ndîvaragîria wana kana îîke ûndû ûcio, nîkaavewa îvera rîa kûrivwa mûno na kîvoko.

Luka 23:34

Nake Jesû nîwaugire atîrî, “Ngai Vava, movere nîûndû matiîcî ûrîa mareka.” Nao nîmaaûthîre nguo cia Jesû nîguo mamenye ûrîa makûigaana.

Ciîko 22:4

Nînaanyariraga andû arîa maarûmagîrîra Njîra îno ya Mwathani. Nînaanyitaga arûme na aka na ngamavingîrithia njeera.

Ciîko 3:17

“Na rîu ariû na aarî a Îthe wetû, nie nîmbîcî mue na anene enyu mwekire Jesû ûguo nîûndû wa kûrigwa.

Ciîko 8:3

Nwatî Saûlo nîwageririe kûthiria kanitha. Nake nîwathiîcaga agîtonyaga nyomba wa nyomba akîrutûrûraga etîkia, arûme na aka na agatûmaga mavingîrwe njeera.

Ciîko 9:1

Nwatî kavindarî wa kau Saûlo nîwekaraga akîvavûraga arûmîrîri a Mwathani, akiuga atî nîakûmaûraga. Kwoguo nîwathiîre kûrî Mûthînjîri-Ngai ûrîa mûnene,

Ciîko 9:13

Nwatî Anania nîwacokirie atîrî, “Mwathani, andû eengî nîmambîrîte ûvoro wîgiî mûndû ûcio, na wîgiî maûndû monthe macûku marîa ke ekîte andû aku atheru arîa marî kûu Jerusalemu.

Ciîko 9:5

Nake nîwaûririe atîrî, “We wî û Mwathani?” Nake nîweguire mûgambo ûcio ûgîcokia atîrî, “Nie nînie Jesû ûrîa ûranyarira.”

1Akor 15:9

Nie nînie mûnini viû gatagatîrî ka atûmwa arîa engî onthe. Nie wana ndirî mwagîrîru wa gwîtwa mûtûmwa nîûndû nînaanyaririre kanitha wa Ngai.

1Akor 7:25

Ûvoro wîgiî arîa matavikanîtie, nie ndirî na rîathani kuuma kûrî Mwathani, nwatî nî woni wakwa nîravecana nîûndû nînduîkîte mûndû mwîvokeku nîûndû wa ntha cia Mwathani.

Agal 1:13

Mue nîmwîguîte ûvoro wîgiî mûtûûrîre wakwa wa na vau mbere rîrîa naarûmagîrîra ndini ya Ayahudi. Nînaanyariraga kanitha wa Ngai ndarî na ntha na nînaageragia mûno kûûthiria.

Afil 3:6

Nînaagîre na kîîo kîngî mûno gîa kûnyarira kanitha wa Kristû. Maûndûrî megiî ûthingu nîûndû wa kwathîkîra watho, ndiarî na ûcuke.

1Tim 1:16

Nwatî Ngai nîwambîguîrîre ntha. Ekire ûguo nîguo gûkirîrîria kwa Jesû Kristû kwonekane na njîra yakwa nîûndû naarî mûndû mwîvia mûno. Nie nîrî kîonereria Kîam andû arîa magaacoka gwîtîkia Jesû Kristû nîguo magîe na mwoyo wa tene na tene.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

1Pet 2:10

Vîndî îmwe mûtiarî andû a Ngai, nwatî rîu mûrî andû ake. Vîndî îmwe mûtiarî akinyîre nî ntha cia Ngai, nwatî rîu mûrî akinyîre nîcio.