1Sam 9:3 - ÎVUKU RÎA ÛVORO MWARO

³ Nacio mvunda imwe cia Kishu, îthe wa Saûlo nîciaûrire. Kwoguo Kishu nîwerire mûvîcî wake, Saûlo atîrî, “Oca mûndû ûmwe wa ndungata ino mûthiî mûgacarie mvunda.”

1Sam 9:3 ပူးပေါင်းရင်းမြစ်များ

Atir 10:4

Jairi aarî na avîcî mîrongo îthatû (30) arîa maathiîcaga matûîte njaû mîrongo îthatû cia mvunda. Nao maarî na matûûra mîrongo îthatû kûu vûrûrirî wa Gileadi marîa matwîre metagwa Havothu-Jairu nginya ûmûnthî.

Atir 5:10

Vecanani ûvoro mue mûthiîcaga mûtwîte mvunda ino njerû, mue mwîkarîrîte matandîko ma mbarathi, namue mûthiîcaga na magûrû, vecanani ûvoro.

1Sam 10:14

Nake mama wa Saûlo nîwaûririe Saûlo marî na ndungata yake atîrî, “Nîkwa mûrarî kû?” Nake Saûlo agîcokia na akiuga atîrî, “Tue twathiîre gûcaria mvunda; na rîrîa ciaturire, tue nîtwathiîre kwona Samueli!”

1Sam 10:2

Ûmûnthî twatigana, nîûgûtûngana na arûme aîrî vakuvî na mbîrîra ya Rakeli kûu Zeliza vûrûrirî wa Benjamini. O nîmagûkwîra atî, mvunda irîa mwathiîre gûcaria rîu nîmoneku, na rîu îthe wenyu nîmûtigu kûmaka nîûndû wacio, nwatî rîu aratangîka nîûndû waku. Ke arekara akîûragia atîrî, ‘Nie nîmbîka atîa nîûndû wa mûriû wakwa.’

1Sam 9:2

Kishu aarî na mûvîcî wake wetagwa Saûlo. Saûlo aarî mwanake mûthaka mûno. Gûtiarî na mûndû mûrûme wîngî gatagatîrî ka andû a Isiraeli warî mûthaka gûkîra Saûlo. Kuuma cianderî ciake kûthiî mwena wa îgûrû, ke aarî mûraca gûkîra mûndû wîngî wa wonthe kûu Isiraeli.

1Sam 9:20

Tiga kûmakua nî ûvoro wîgiî mvunda irîa ciaûrire mîthenya îthatû mîvîtûku, nîûndû rîu nîmoneku. Nao andû a Isiraeli mavatarîtue mûno nîwe mûrî na andû a mûciî wa aguo.”

1Sam 9:4

Nao nîmaavîtûkanîrie vûrûrirî ûrîa ûrî irîma wa Efiraimu wana gîcunjîrî gîa Shalisha na matiaciona; Kwoguo nîmaathire na mbere na makîvîtûkanîria gîcunjîrî gîa Shalimu wa magîcaragia mvunda, nwatî itiarî kuo. Magîcoka makîvîtûkanîria vûrûrirî wa Benjamini, nwatî matiaciona.