1Sam 9:25 - ÎVUKU RÎA ÛVORO MWARO

²⁵ Na rîrîa maanyûrûrûkire makiuma vandû varîa vagoocagîrwa na makîthiî îtûûrarî, Saûlo nîwathondekerûe vandû va kûmama îgûrû rîa nyomba,

1Sam 9:25 ပူးပေါင်းရင်းမြစ်များ

2Sam 11:2

Mûthenya ûmwe kîvwaî, Daudi nîwaûkîrire akiuma varîa aanogokaga na agîtwa îgûrû rîa nyomba ya Mûthamaki. Rîrîa aacerangaga kûu îgûrû, nîwonire mûndûmûka akîîthambia. Mûndûmûka ûcio aarî mûthaka mûno.

Nehemia 8:16

Kwoguo andû nîmaathiîre na makîrete mvûa icio na magîtuma wa mûndû kanyomba gake. Wa mûndû nîwatumire kanyomba kamwe îgûrû rîa nyomba yake, na kengî kamwe nja ya nyomba, na kengî kamwe nja ya nyomba ya Ngai, na kanyomba kengî kîvarorî kîrîa kîrî vakuvî na Kîvingo Kîam Manjî, na kengî kîvarorî vakuvî na Kîvingo Kîam Efiraimu.

Jeremia 19:13

Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”

Mathaayo 10:27

Ûndû ûrîa nîramwîrîra ndumarî nwa nginya mûkawaria ûtherirî; na maûndû marîa mwîragwa na kîvwe, nwa nginya mûkaamanîrîra mûrî nyombarî îgûrû.

Mathaayo 24:17

Nake mûndû ûrîa ûkeethîrwa arî nyomba îgûrû ndakavarûrûke na atonye nyomba kûgîra indo ciake.

Luka 5:19

Nwatî vîndî îrîa maaturire vandû va kûmûvîtûkîrîria nîûndû kîrîndî nîkîavatîkanîte mûno, nîmaatwîre nyomba îgûrû mamûkuuîte, magîcoka makîthondeka mwanya, makîmûnyûrûkîria mwanyarî ûcio wa amamîrîte kîvarî, na makîmwiga gatagatîrî ka andû vau mbere ya Jesû.

Ciîko 10:9

Na kîndû ta thaa thita cia mûthenya ûcio warûmîrîrîte wa marî rûgendorî, nîmaakinyire vakuvî na Jopa, na Petero akîthiî nyomba îgûrû kûvoya.

Gûco 22:8

“Rîrîa ûgaatuma nyomba njerû ûkaamîrigicîria na rûthingo rûkuvî mîena yonthe îgûrû rîayo nîguo mûndû wa wonthe angîgwa akue aumîte îgûrû rîayo, andû a nyomba yaku matikagwatwe nî wîvia wa kûragana.

1Sam 9:26

na akîmama vo. Na rîrîa gwakeere, Samueli nîwetire Saûlo arî kûu îgûrû rîa nyomba akîmwîra atîrî, “Ûkîra nîguo ngumagarie ûthiî.” Kwoguo Saûlo nîwaûkîrire, akîîvarîria nao oîrî, ke mwene marî na Samueli makiumîra na makîthiî njîrarî.