1Sam 9:21 - ÎVUKU RÎA ÛVORO MWARO

²¹ Nake Saûlo nîwacokirie na akiuga atîrî, “Nie nîrî wa mûvîrîga wa Benjamini. Mûvîrîga wa Benjamini nîguo mûnini viû kûu Isiraeli. Nao andû a mûciî wakwa nîo methagîrwa marî anini mûno gûkîra andû arîa engî kûu mûvîrîgarî ûcio. Nîndûî vi kîratûma ûmbîre ûguo?”

1Sam 9:21 ပူးပေါင်းရင်းမြစ်များ

Thaburi 68:27

Andû a mbere nî Benjamini, mûvîrîga ûrîa mûnini viû, marûmîrîrîtwe nî atongoria a Juda na andû ao, marûmîrîrwe nî atongoria a Zebuluni na a Nafutali.

Thaburi 68:28

Onania vinya waku, we Ngai; vinya ûrîa wavûthîre nîûndû wetû,

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.

1Sam 14:51

Kishu îthe wa Saûlo na Neri îthe wa Abineri maarî anake a Abieli.

1Sam 15:17

Nake Samueli nîwerire Saûlo atîrî, “Wana ethîrwa wîyonaga takwa ûtarî vata, Ngai-Mûnene nîwagwîtîrîrie maguta ûtuîke mûthamaki wa Isiraeli,

1Sam 18:18

Nake Daudi nîwacokerie Saûlo atîrî, “Nie nîrî û na andû a mûciî wetû nî ta ndûî, atî nîguo nduîke mûthoniwe wa mûthamaki?”

1Sam 18:23

Nacio ndungata icio cia Saûlo ciera Daudi ûvoro ûcio, Daudi nîwacokirie atîrî, “Mûreciria nî ûndû mûvûthû gûtuîka mûthoniwe wa mûthamaki na makîria mûndû mûthîni ûtarî îgweta tanie.”

1Sam 9:22

Nake Samueli nîwavirire Saûlo marî na ndungata yake nyombarî nene kûrîa andû arîa meetîtwe maarî, meekarîte itîîrî cia mbere irîa ciarî cia gwîkarîrwa nî andû a gîtîîo. Nakuo kwarî na andû ta mîrongo îthatû.