1Sam 9:20 - ÎVUKU RÎA ÛVORO MWARO

²⁰ Tiga kûmakua nî ûvoro wîgiî mvunda irîa ciaûrire mîthenya îthatû mîvîtûku, nîûndû rîu nîmoneku. Nao andû a Isiraeli mavatarîtue mûno nîwe mûrî na andû a mûciî wa aguo.”

1Sam 9:20 ပူးပေါင်းရင်းမြစ်များ

1Maû 29:3

Kuuma mûthithûrî wakwa nie mwene nîmvecanîte thaavu na sîlûva nîûndû wa wendo ûrîa nîrî naguo wa hekarû ya Ngai wakwa.

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Akol 3:2

Îciragieni ûvoro wîgiî kîrîa kîrî îgûrû, na tî kîrîa kîrî gûkû nthî.

1Sam 10:16

Nake Saûlo nîwacokirie na akîîra mamawe atîrî, “Samueli nîwatwîrire cararûkû atî, mvunda ciarî moneku.” Nwatî Saûlo ndeera mamawe ûrîa Samueli aarîtie ûvoro wîgiî Saûlo gûtuîka mûthamaki.

1Sam 12:13

“Rîu mûthamaki ûrîa mwetirie na mûkîthuura Ngai-Mûnene nîwamûvere, na nîke ûyû ava.

1Sam 12:15

Nwatî ethîrwa mue tî mûthikîrîria ûrîa Ngai-Mûnene akuuga na mûrege kwathîkîra maathani make, Ngai-Mûnene nîamûverithia wa vamwe na mûthamaki wenyu.

1Sam 4:20

Na rîrîa aakuvîvîrie gûkua, aka arîa maamûtethagîrîria nîmaamwîrire atîrî, “Îyûmîrîrie! Nîûndû nîwagîa kavîcî!” Nwatî ke ndaamacokeria wanarî ûndû wana kana arûmbûyania na ûvoro ûcio.

1Sam 8:19

Nao andû nîmaaregire kûthikîrîria ûrîa Samueli aameeraga, na makiuga atîrî, “Naarî! Tue tûrenda mûthamaki,

1Sam 8:5

na makîmwîra atîrî, “Taroria, we ûrî mûkûrû nao anake aku matirûmagîrîra maûndû marîa wekaga. Rîu tûthuurîre mûthamaki wa gûtwathaga wata ûrîa ndûrîrî irîa ciîngî ciîthagîrwa irî na athamaki a cio.”

1Sam 9:19

Nake Samueli agîcokeria Saûlo na akîmwîra atîrî, “Nie nînie mûndû ûrîa wonaga maûndû. Ndongoreria tûthiî vandû varîa vagoocagîrwa. Ûmûnthî nîtûkûrîcanîra namue na rûyû kîraûko nîrîo ngaakwîra maûndû monthe marîa marî ngororî yaku na ngînagwîtîkîria ûthiî.

1Sam 9:3

Nacio mvunda imwe cia Kishu, îthe wa Saûlo nîciaûrire. Kwoguo Kishu nîwerire mûvîcî wake, Saûlo atîrî, “Oca mûndû ûmwe wa ndungata ino mûthiî mûgacarie mvunda.”