1Sam 9:13 - ÎVUKU RÎA ÛVORO MWARO

¹³ Mwatonya îtûûrarî wa rîo, nîmûkûmwona mbere ya athiî kûndû kûrîa gûtûgîru kûrîa, nîûndû andû matingîrîa irio atarî mûkinyu, nîûndû nwa nginya arathime îgongona. Nao acio engî metîtwe macoke marîe. Unûkiani wa rîu na nî mûkûmwona.”

1Sam 9:13 ပူးပေါင်းရင်းမြစ်များ

2Sam 15:11

Abusalomu nîwathiîre na andû magana maîrî kuuma Jerusalemu, arîa eetîte marî ageni ake. Andû acio matiamenyaga wanarî vanini ûvoro wîgiî mûvango ûrîa warî vo, na nîmaathiîre matagwîciria gwîka ûndû mûcûku wanarî ûrîkû.

Mathaayo 14:19

Jesû nîwacokire akîra andû mekare nthî nyakirî. Ke nîwacokire agîoca mîgate îo îtano na nthamaki icio igîrî, akîroria na îgûrû, agîcokia ngatho kûrî Ngai na akîmîrathima. Nîwamîenyûrangire na akîmînenganîra kûrî arutwa magaîre andû.

Mathaayo 26:26

Rîrîa maarîcaga, Jesû nîwocire mûgate, akîûrathima, akîwenyûranga, akîûnengera arutwa ake na akîmeera atîrî, “Kani mûrîe, ûyû nî mwîrî wakwa.”

Maariko 6:41

Nake Jesû nîwacokire agîoca mîgate îo îtano na nthamaki icio igîrî, agîtiira metho make na îgûrû, na agîcokeria Ngai ngatho. Nîwenyûrangire mîgate îo na akînengera arutwa ake nîguo magaîre andû. Nîwacokire akîmagaîra nthamaki icio igîrî.

Luka 24:30

Jesû nîwekarire metharî vamwe nao, agîoca mûgate na akîûrathima, agîcoka akîwenyûranga na akîmava.

Luka 9:16

Vîndî wa îo, Jesû nîwocire mîgate îo îtano na nthamaki icio igîrî na atira metho na îgûrû, akîirathima, agîcoka akîenyûranga mîgate wana nthamaki icio na akînengera arutwa ake magaîre andû acio.

Johana 6:11

Jesû nîwocire mîgate îo, agîcokeria Ngai ngatho na akîmînenganîra îgaîrwe andû arîa meekarîte nthî. Nîwacokire agîoca nthamaki icio, agîcokeria Ngai ngatho na akîinenganîra igaîrwe andû kûringana na kîthimi kîrîa wa mûndû endire.

Johana 6:23

Namo matarû mengî marîa maaumîte îtûûrarî rîa Tiberia maakinyire rûtere rwa îria vakuvî na varîa andû maarîrîrîte mîgate, Mwathani aarîkia gûcokia ngatho.

1Akor 10:30

Ethîrwa nie nînjokagia ngatho kûrî Ngai nîûndû wa kîrîa ndîcaga, nîndûî gîtûmaga mbîguîrwe naaî nî mûndû?”

1Tim 4:4

Indo cionthe irîa Ngai aaûmbire nî mbaro na gûtirî kîndû Kîamgîrîrwe nî kûregwa. Indo cionthe ciagîrîrwe nî kwamûkîrwa na mavoya ma gûcokia ngatho.

1Sam 2:35

Na nie nîngethuurîra mûthînjîri-Ngai ûrîa ûkethagîrwa arî mwîvokeku kûrî nie. Ke nîke ûgeekaga maûndû monthe marîa ngaamwîraga kuuma ngororî yakwa wana meciriarî makwa. Nie nîngaatûma agîe na njiarwa, na vingo cionthe nîigaatungatagîra mûthamaki ûrîa nie nthuurîte.

1Sam 9:14

Kwoguo Saûlo marî na ndungata yake nîmaaunûkirie mathiîte îtûûrarî rîu. Na rîrîa maakuvîvîrie gûtonya kuo, nîmoonire Samueli aûkîte na kûrîa maarî aunûkîtie athiîte vandû vau vaagoocagîrwa nî andû.