1Sam 7:9 - ÎVUKU RÎA ÛVORO MWARO

⁹ Samueli nîwocire kagondu kanini gakîongaga na agîkaruta karî îtega rîa kûvîvua kûrî Ngai-Mûnene karî kagima. Nîwacokire akîvoera Aisiraeli kûrî Ngai-Mûnene, na Ngai-Mûnene agîcokia mavoya make.

1Sam 7:9 ပူးပေါင်းရင်းမြစ်များ

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Alawi 22:27

“Vîndî îrîa gacaû ga karegwa kana gatûrûme kana kathenge gaciarwa, nwanginya gekaranagie na ng'ina îvinda rîa mîthenya mûgwanja, nwatî vuva wa mîthenya îo, Ngai-Mûnene nîagaagetîkîra karî îtega rîa kûvîvua.

Gûco 9:26

Nînavoire Ngai-Mûnene ngîmwîra atîrî, ‘Ûûi Ngai-Mûnene Ngai, ndûgacûkangie andû aku arîa wakûûrire na ûkîmaruta Misiri na vinya waku mûnene.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

Atir 6:26

Tumîra Ngai-Mûnene, Ngai waku metha mbaro ya kîgongoona vo, na woce ndegwa ya kaîrî na ûmîvîvie îrî îtega rîa kûvîvua. Ûcoke ûtûmîre icunjî icio ûgûtemanga cia mûvuanano wa ngai ya Ashera irî ngû.”

Atir 6:28

Rîrîa andû a îtûûra maaramûkire kîraûko tene mûthenya ûcio warûmîrîrîte, nîmeethîrîrie metha ya kîgongoona ya Baali na mûvuanano wa ngai ya Ashera irî nyomomore. Nîmacokire makîona ndegwa ya kaîrî îrî mvîvîrie metharî ya kîgongoona îrîa yatumîtwe kuo.

1Sam 10:8

Na ûcoke ûnyûrûrûke ûthiî Giligali na ûkinye kuo mbere yakwa. Weterere ûrî kuo gwa îvinda rîa mîthenya mûgwanja nginya rîrîa ngaaûka gûkwîra ûrîa wagîrîrwe nî gwîka. Nie ngaakwîthîra kûu na ndute magongoona ma kûvîvua na ma thayû.”

1Sam 12:17

Îvinda rîîrî nî rîrîa kwîthagîrwa gûtarî na mbura. Nwatî nie nîmvoya Ngai-Mûnene nîguo arete ngwa na aurithie mbura. Vîndî îrîa ûndû ûyû ûgeekîka nîrîo mue mûkaamenya, atî nîmwekire wîvia mûnene kûrî Ngai-Mûnene rîrîa mwetirie mûthamaki.”

1Sam 16:2

Nake Samueli nîwaûririe atîrî, “Nîngîka ûguo atîa? Saûlo angîgua ûguo nîkwa akambûraga!” Nake Ngai-Mûnene nîwerire Samueli atîrî, “Oca mori ûthiî nayo na uge atî ûthiîte kuo kûrutîra Ngai-Mûnene kîgongoona.

1Sam 2:35

Na nie nîngethuurîra mûthînjîri-Ngai ûrîa ûkethagîrwa arî mwîvokeku kûrî nie. Ke nîke ûgeekaga maûndû monthe marîa ngaamwîraga kuuma ngororî yakwa wana meciriarî makwa. Nie nîngaatûma agîe na njiarwa, na vingo cionthe nîigaatungatagîra mûthamaki ûrîa nie nthuurîte.

1Sam 7:17

Nake nîwacokaga akenûka mûciî gwake kûu Rama. Na arî kûu Rama, nîwatucagîra andû a Aisiraeli ciira arî na waragania na agîtumîra Ngai-Mûnene metha ya kûrutîra kîgongoona kuo.

1Sam 9:12

Nao erîtu acio nîmaacokirie, “Ii, arî kuo, arî vau mbere yenyu thiîcangani. Ke aukîte îtûûrarî wa rîu, nîûndû andû nîmaûkîte ûmûnthî kûruta îgongona kûndû kûrîa gûtûgîru.