1Sam 7:7 - ÎVUKU RÎA ÛVORO MWARO

⁷ Na rîrîa Afilisiti megwire atî andû a Isiraeli nîmaacemanîtie kûu Mizipa, athamaki acio atano a Filisiti nîmaathiîre marî na mbûtû yao ya mbaara nîguo makarûe na Aisiraeli. Rîrîa Aisiraeli meegwire ûguo, nîmeetigîre.

1Sam 7:7 ပူးပေါင်းရင်းမြစ်များ

2Maû 20:3

Jehoshafati nîwamakire na akîvoya Ngai-Mûnene amwonie ûrîa agwîka. Nîwacokire akîanîrîra andû onthe a vûrûri wa Juda menyerekie.

Ntha 14:10

Vîndî îrîa andû a Isiraeli moonire mûthamaki wa Misiri na mbûtû yake ya mbaara mathiîte kûrî o, nîmetigîre na makîrîrîra Ngai-Mûnene amatethie.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;

1Sam 17:11

Rîrîa Saûlo na andû onthe a Isiraeli meeguire ûrîa Mûfilisiti ûcio aaugire, nîmaamakire na magîîtigîra.