1Sam 7:3 - ÎVUKU RÎA ÛVORO MWARO

³ Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”

1Sam 7:3 ပူးပေါင်းရင်းမြစ်များ

Kîam 35:2

Jakovu nîwerire andû a mûciî wake na arîa onthe maarî nake atîrî, “Tani ngai ng'eni irîa mûrî nacio, mwîtherie, mûrute nguo irîa mûrî nacio mwîkîre ciîngî.

1Atha 11:33

Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

1Atha 8:48

Ethîrwa nîmagaagûcokerera na meciria mao monthe, vamwe na ngoro yonthe marî wa kûu vûrûrirî wa nthû icio ciamatavire, na makûvoye merekerete vûrûri ûyû wao ûrîa waveere methe mao, na îtûûra rîîrî we wathuurire, na hekarû îno ndumîte îtanîtue na rîîtwa rîaku,

2Atha 17:39

Nwatî mûkangoocaga nie, Ngai-Mûnene Ngai wenyu, na nîngaamûvonokia kuuma kûrî nthû cienyu cionthe.”

2Atha 23:15

Josia nîwacûkangirie kûndû gûtûgîru kûrîa kwagoocagîrwa gwatumîtwe nî mûthamaki Jeroboamu, mûvîcî wa Nefati kûu Betheli. Mûthamaki Jeroboamu nîke watûmire andû a Isiraeli mevie. Nîwomomorire metha ya kîgongoona, akiunanga mathiga mayo tûcunjî, nîwatûthiire nginya tûgîtuîka rûkûngû, na akîvîvia mûvuanano wa Ashera.

1Maû 22:19

Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 19:3

Kûnarî ûguo, nîwonetwe ûrî na maûndû maro. Nîwathiririe mîvuanano ya Ashera, ngai ya mûndûmûka gûkû vûrûrirî îrîa andû maagoocaga na nîûgeretie mûno gûcaria wendi wa Ngai na ngoro yonthe.”

2Maû 20:33

Nwatî kûnarî ûguo, kûndû kûrîa kwavoyagîrwa ngai cia mîvuanano gûtiomomorwa na andû matiarî acokereru kûgooca Ngai wa methe mao na ngoro ciao.

2Maû 30:19

arîa magaakûgooca we Ngai, Ngai-Mûnene, Ngai wa methe mao wana ethîrwa matetheretie kûringana na watho wa hekarû.”

Nthi 16:1

Mûndû nîavangaga maûndû, nwatî Ngai-Mûnene nîke ûtûmaga mavinge.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 36:3

Nwa kwîthîrwa andû a Juda nîmakwîgua maûndû monthe macûku marîa mvangîte kûmeka, nîguo wa mûndû agarûrûke atigane na mîthiîre yake mîcûku, nanie nîmarekere mevia mao na maûndû macûku marîa mekîte.”

Jeremia 4:1

Ngai-Mûnene arauga atîrî, “Mue andû a Isiraeli mûngîenda kûnjokerera njokererani. Mûngîruta indo irîa irî mûgiro mbere yakwa na mûtuîke evokeku kûrî nie,

Ezek 14:6

“Kwoguo îra andû a Isiraeli atî, Ngai-Mûnene augîte: Îrireni na mûgarûrûke mûtigane na mîvuanano îo yenyu, na mûtige maûndû marîa macûku mwîkaga.

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Mathaayo 15:8

Ngai augîte atîrî, ‘Andû aya mamvecaga gîtîîo na mîromo nwatî ngoro ciao irî kûraca nanie.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Luka 4:8

Nake Jesû nîwacokerie ngoma îo atîrî, “Mandîko maugîte atîrî, ‘Goocaga Mwathani Ngai waku na ûmûtungatagîre wake wenga!’ ”

Johana 4:24

Ngai nî Roho, na arîa mamûgoocaga mamûgoocage na Roho na ûûma.”

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 4:29

Mûrî kûu, nîmûgaacaria Ngai-Mûnene, Ngai wenyu na nîmûkaamwona, ethîrwa nama nîmûkaamûcaria na ngoro yonthe na mwoyo wonthe.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Josh 13:31

Wana nîwanyitîte nuthu ya vûrûri wa Gileadi na îtûûra rîa Ashitarothu na rîa Edirei. Ashitarothu na Edirei nîmo maarî matûûra marîa manene ma mûthamaki Ogu wa Bashani. Kûu nîkuo kwagaîrwe nuthu ya mbarî ya Makiru mûvîcî wa Manase.

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

Josh 24:23

Nake Joshua nîwamerire atîrî, “Tiganani na ngai icio ng'eni mûrî nacio na mûcokerere Ngai-Mûnene, Ngai wa Isiraeli mûmûtungatagîre.”

Atir 10:16

Kwoguo nîmaatere ngai icio maarî nacio na magîtungatîra Ngai-Mûnene. Nake Ngai-Mûnene nîwegwire ntha nîûndû wa ûrîa Aisiraeli maanyarirîkîte.

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.

Atir 2:11

Andû a Isiraeli nîmeekire maûndû macûku mbere ya Ngai-Mûnene na njîra ya gûtungatîra Baali.

Atir 2:13

Maatigire kûgooca Ngai-Mûnene na makîambîrîria gûtungatîra ngai cia mîvuanano cia Baali na Ashitarothu.

1Sam 31:10

Nîmaacokire makiga nguo ciake cia mbaara hekarûrî ya Ashitorathu, ngai yao na makîvûrîra kimba gîake na mîcumarî rûthingorî rwa îtûûra rîa Bethi Shani.