1Sam 7:17 - ÎVUKU RÎA ÛVORO MWARO

¹⁷ Nake nîwacokaga akenûka mûciî gwake kûu Rama. Na arî kûu Rama, nîwatucagîra andû a Aisiraeli ciira arî na waragania na agîtumîra Ngai-Mûnene metha ya kûrutîra kîgongoona kuo.

1Sam 7:17 ပူးပေါင်းရင်းမြစ်များ

Kîam 33:20

Jakovu nîwatumire metha ya kîgongoona na agîta vandû vau Eli.

Kîam 35:7

Nîwatumire metha ya kîgongoona vau na agîîta vandû vau Eli-betheli, nîûndû kûu nîkuo Ngai aamumîrîre rîrîa aaûraga kuuma kûrî mûrwang'ina Esaû.

Isaia 10:29

Nîivîtûkîte îriûko, na ûmûnthî nîmararîrîra Geba! Andû a Rama marainaina nî guoya; nao andû a Gibea, îtûûra rîa Saûlo nîmaûrîte.

Atir 4:5

Aamenyerete gwîkara nthî rungu rwa mûtî wa mûkîndû ûrîa warî gatagatî ka Rama na Betheli vûrûrirî ûrîa ûrî irîma wa Efiraimu. Nao andû a Isiraeli nîmaathiîcaga gûtuithanua ciira nîke.

Atir 6:24

Gideoni nîwatumîre Ngai-Mûnene metha ya kîgongoona vau, na akîmîtuîra rîîtwa, “Ngai-Mûnene nî thayû.” Metha îo ya kîgongoona îtwîre kûu îtûûrarî rîa Ofira kwa mbarî ya Abiezeri.

1Sam 1:1

Kwarî mûthuuri wetagwa Elikana ûrîa warî wa mûvîrîga wa Efiraimu. Elikana aarî mûvîcî wa Jerohamu, Jerohamu aarî mûvîcî wa Elihu, Elihu aarî mûvîcî wa Tohu, Tohu aarî mûvîcî wa Zufu, Zufu aarî wa mûvîrîga wa Efiraimu. Elikana aatûûraga îtûûrarî rîa Rama vûrûri ûrîa wîthagîrwa ûrî irîma nyîngî wa Efiraimu.

1Sam 1:19

Elikana na andû a mûciî wake nîmaaramûkire kîraûko tene mûthenya ûcio wîngî. Na vuva wa kûgooca Ngai-Mûnene, nîmaacokire kwao mûciî Rama. Nake Elikana nîwamenyanire kîîmwîrî na mûka Hana, na Ngai-Mûnene akîgua mavoya ma Hana.

1Sam 11:15

Kwoguo andû onthe nîmaathiîre Giligali vandû varîa vatheru na makîthuurîra Saûlo vo arî mûthamaki wao. O nîmaarutîre Kîgongoona gîa kûrete thayû vo, na Saûlo marî vamwe na andû onthe a Isiraeli nîmaakenerere ûndû ûcio.

1Sam 14:35

Nake Saûlo agîtumîra Ngai-Mûnene metha ya kîgongoona riita rîa mbere.

1Sam 15:34

Vuva wa ûguo, Samueli nîwathiîre Rama nake mûthamaki Saûlo akîînûka gwake mûciî kûu Gibea.

1Sam 2:11

Vuva wa ûguo Elikana nîwacokire gwake mûciî Rama. Nake Samueli nîwatigirwe kûu Shilo agîtungatagîra Ngai-Mûnene akîonagîrîrua nî mûthînjîri-Ngai Eli.

1Sam 28:3

Vîndî îo Samueli aarî mûkuû, na andû onthe a Isiraeli makamûrîrîre na makamûthika îtûûrarî rîake rîa Rama. Nake Saûlo nîwavinyûrîtie ago onthe na oni maûndû makauma Isiraeli.

1Sam 8:4

Nao athuuri onthe a Isiraeli nîmaaûnganire vamwe na makîthiî kûrî Samueli kûu Rama,

1Sam 9:12

Nao erîtu acio nîmaacokirie, “Ii, arî kuo, arî vau mbere yenyu thiîcangani. Ke aukîte îtûûrarî wa rîu, nîûndû andû nîmaûkîte ûmûnthî kûruta îgongona kûndû kûrîa gûtûgîru.