1Sam 6:9 - ÎVUKU RÎA ÛVORO MWARO

⁹ Namue mwîkare mûkîroretie ûrîa gîkûthiî. Ethîrwa nîkîthiî kîerekerete îtûûra rîa Bethi-shemeshu, ûguo nî kuga atî Ngai wa Aisiraeli. Nî ûtûmîte twîthîrwe tûrî na mathîna mana. Nwatî ethîrwa tî kîthiî kîerekerete îtûûra rîu, nîtûkûmenya atî tîke watûretere mûthiro, nwatî nî ûndû wa gûka wa ûguo tu.”

1Sam 6:9 ပူးပေါင်းရင်းမြစ်များ

2Sam 1:6

Mwanake ûcio nîwacokerie Daudi atîrî, “Nie naarî vau kîrîmarî gîa Giliboa na nînoonire Saûlo anyitîte îtumû rîake. Nacio ikaari cia mbarathi na athigari arîa mathiîcaga matûîte mbarathi cia nthû, ciathiîte imûrûmîrîrîte na îvenya.

1Atha 4:9

Benidekeri, ûrîa wathanaga matûûrarî ma Makazu, Shalubimu, Bethishemeshi, Eloni, na Bethi-hanani.

2Maû 25:21

Kwoguo Joashi, mûthamaki wa Isiraeli nîwaumagarire na akîtharîkîra vûrûri wa Juda. Nao nîmaarûîre vandû vetagwa Bethishemeshi vûrûrirî wa Juda.

Ntha 8:15

Nwatî rîrîa mûthamaki oonire atî ciûra nîikuîte, nîwaûmire ngoro rîngî wata ûrîa Ngai-Mûnene aaugîte na akîrega kûthikîrîria Musa na Aroni.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Luka 10:31

Na kavinda wa kau, mûthînjîri-Ngai ûmwe nîwanyûrûrûkîte varavararî wa îo. Nwatî rîrîa ke oonire mûndû ûcio nîwamwererekere na akîvîtûkîra mûkîra ûcio wîngî wa varavara.

Josh 15:10

Nîwacokete ûkîthiûrûrûka Baali na mwena wa îthûîro ûkîthiî werekerete vûrûri ûrîa ûrî irîma wa Edomu na ûkîvîtûkîra mwena wa rûgûrû wa kîrîma Kîam Jearimu (kana Kesaloni) na ûkînyûrûrûkîra Bethishemeshi na Timina.

Josh 21:16

Aini, Juta, na Bethi Shemeshi wa vamwe na kûndû gwa kûrîthia. Matûûra mau monthe maarî kenda na maarî vûrûrirî wa Juda na vûrûrirî wa Simeoni.

1Sam 6:10

Nao andû acio nîmeekire wa ûguo meerirwe: nîmaanyitire ng'ombe igîrî ciakamagwa, magîcioverera gîkaarirî na makîvingîra tûcaû twacio rwagarî.

1Sam 6:12

Nacio ng'ombe icio ikîambîrîria kûthiî irûngîrîrîtie njîra îo yathiîte nginya Bethishemeshi. Nacio ciathiîre ikîanagia itakwîvûgûra mwena wa ûrîo kana wa ûmotho. Nao athamaki a Filisiti nîmaathiîre maciumîte vuva nginya magîkinya mûvakarî wa Bethishemeshi.

1Sam 6:3

Nao athînjîri-ngai na aragûri nîmaacokirie makiuga atîrî, “Ethîrwa nîmûgûcokia îthandûkû rîa Kîrîkanîro rîa Ngai wa Isiraeli-rî, mûtikarîcokie mûtarî na kîveo. Nwanginya mûthiî mûrî na kîveo gîa kûrutîra Ngai kîgongoona nîûndû wa wîvia wenyu. Îo nîyo njîra îrîa mûkaavonua nayo mûmenye gîtûmi kîrîa kîratûmaga ekare akîmûverithagia.”