1Sam 6:6 - ÎVUKU RÎA ÛVORO MWARO

⁶ Mûngîûmia ngoro cienyu ta ûrîa Amisiri na mûthamaki wao maûmirie ciao nîkî? Ngai averithia Amisiri na mûthamaki wa Misiri mûno-î, kinthî matiarekererie Aisiraeli makiuma Misiri na makîthiî?

1Sam 6:6 ပူးပေါင်းရင်းမြစ်များ

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 95:8

“Mûtikaûmie ngoro cienyu ta ûrîa methe menyu meekire marî Meriba, mûthenya ûrîa maarî Masa werûrî.

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Ntha 14:17

Nanie nîngûmia ngoro cia andû a Misiri nîguo mamûrûmîrîrie, na nîngûgîa na gîtîîo nîûndû wa kûvoota mûthamaki wa Misiri, athigari a mbaara, ngari ciake cia mbarathi, na andû ake arîa mathiîcaga matwîte mbarathi.

Ntha 14:23

Nao andû a Misiri nîmaamarûmîrîrie îriarî marî na mbarathi ciao cionthe, na ngari cia mbarathi cia mbaara na atwari a cio.

Ntha 4:21

Ngai-Mûnene nîwerire Musa rîngî atîrî, “Wona wacoka Misiri, ûkaaringa ciama cionthe irîa nie ngûvete vinya ûringe mbere ya mûthamaki. Nwatî Nîngaaûmia ngoro ya mûthamaki na ndageetîkîra andû a Isiraeli mathiî.

Ntha 7:13

Nwatî mûthamaki, eekarire aûmîtie ngoro na ndaathikîrîria Musa na Aroni wata ûrîa Ngai-Mûnene aaugîte.

Ntha 7:14

Ngai-Mûnene nîwacokire akîra Musa atîrî, “Mûthamaki wa Misiri nîaûmîtie ngoro mûno na nîararega kûrekereria andû a Isiraeli mathiî.

Ntha 8:15

Nwatî rîrîa mûthamaki oonire atî ciûra nîikuîte, nîwaûmire ngoro rîngî wata ûrîa Ngai-Mûnene aaugîte na akîrega kûthikîrîria Musa na Aroni.

Ntha 8:32

Nwatî mûthamaki wa Misiri nîwaûmirie ngoro. Îvinda rîu wa narîo nîwaregire gwîtîkîria andû a Isiraeli mathiî.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Ntha 9:34

Nwatî vîndî îrîa mûthamaki wa Misiri oonire atî ngwa na mbura ya mbembe nîyatiga kuura, nîwevirie rîngî. Ke mwene wana anene ake nîmaaûmirie ngoro.

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.