1Sam 6:5 - ÎVUKU RÎA ÛVORO MWARO

⁵ Kwoguo nwanginya mue mûthondeke mîvuanano îno ya nyimba na ngaara cienyu irîa icûkagia vûrûri wenyu, na mûgoocithie Ngai wa Isiraeli. Ke avota gûtiga kûmûverithia, ngai cienyu wana vûrûri wenyu.

1Sam 6:5 ပူးပေါင်းရင်းမြစ်များ

1Maû 16:28

Kumiani Ngai-Mûnene andû onthe a nthî, kumiani riiri na ûvoti wake.

1Maû 16:29

Kumiani rîîtwa rîa Ngai-Mûnene rîrîa rîrî riiri, reteni matega na mûke mbere yake. Goocani Ngai-Mûnene arî varîa vatheru.

Thaburi 18:44

Rîrîa meeguire ûvoro wakwa nîmaambathîkîre, andû ageni maaûkire kûrî nie menyivîtie.

Thaburi 32:4

Nîwamverithagia ûtukû na mûthenya, we Ngai-Mûnene, naarî mûthiru vinya viû, ta ûrîa manjî manyaraga vîndî ya ûrugarî.

Thaburi 39:10

Tiga kûmverithia rîngî! Nîrî vakuvî kûthirua nî mbaara yaku.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Ntha 12:12

“Ûtukû ûcio nie nîngaavîtûkîrîra vûrûri wa Misiri na mbûrage marikithathi monthe ma njamba, ma andû wana ma nyamû, na mverithie ngai cionthe cia Misiri. Nie nî nie Ngai-Mûnene.

Ntha 8:17

Kwoguo Aroni nîwaringire nthî na mûragi wake. Naruo rûkûngû ruonthe rwa vûrûri wa Misiri rûkîgarûrûka rûgîtuîka rwagî na rûkîûmbîrîra andû na nyamû.

Ntha 8:24

Nake Ngai-Mûnene nîwatûmire mîrumbî mînene ya ngi nyomba kwa mûthamaki na nyombarî cia anene ake na cia andû ake. Naguo vûrûri wonthe wa Misiri nîwacûkangire nîûndû wa ngi.

Ntha 8:5

Ngai-Mûnene nîwerire Musa atîrî, “Îra Aroni oce mûragi wake na aûkîrîrie îgûrû rîa nyûnjî, mîtaro ya manjî na maria ma manjî atûme ciûra ciume rûnjîrî ithiî ciîcûre vûrûri wonthe wa Misiri.”

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Isaia 42:12

Arîa onthe matûûraga ndeererî cia îria, nîmakumie Ngai-Mûnene na mamûgooce.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Joeli 2:25

Nîngamûcokeria kîrîa Kîamûrire vingo îrîa ngige ciarîîre irio cienyu, nînie namûtûmîre athigari acio engî ûguo.

Jona 3:9

Ngai avota kwîricûkwa na atige kûrakara, na kwoguo tîtûkua!”

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Ndari 33:4

arîa maathikaga marikithathi ma anake marîa Ngai-Mûnene aaûragîte. Na njîra ya gîîko gîkî, Ngai-Mûnene nîwonanirie atî ke aarî na vinya gûkîra ngai cia Misiri.

Johana 9:24

Na riita rîa kaîrî Ayahudi nîmeetire mûndû ûrîa waciarîtwe arî mûtumumu na makîmwîra atîrî, “Aria ûma mbere ya Ngai! Tue nîtwîcî atî mûndû ûrîa ûraakûvonirie nî mwîvia.”

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.

Kûguû 14:7

Ke nîwaugire augîrîrîtie atîrî, “Tîîani Ngai na mûkumie ûnene wake! Nîûndû kavinda gake ga gûtuîra andû a nthî nîgakinyu. Goocani Ngai ûrîa waûmbire îgûrû, nthî, îria na kûrîa kuumaga manjî!”

Kûguû 16:9

Nao nîmaavîvirue nî ûrugarî wa riûa na makîruma Ngai ûrîa ûrî na wathani îgûrû rîa mavera mama. Nwatî nîmaaregire kwîrira na gûkumia ûnene wake.

1Sam 5:11

Nakuo kûu îtûûrarî rîu rîonthe kwarî na kîmako kînene mûno nîûndû Ngai nîwamaverithagia mûno. Kwoguo nîmaatûmanire na makiuga athamaki onthe a Filisiti metwe maûke vamwe rîngî. Nao nîmeerire athamaki atîrî, “Rutani Îthandûkû rîrî rîa Kîrîkanîro rîa Ngai wa Isiraeli gûkû na mûrîcokie varîa rîagîrîrwe nî kwîthîrwa rîrî, nîguo rîtigatûûrage vamwe na andû a mîciî yetû.”

1Sam 5:9

Nwatî vuva wa kûrîkinyia kuo, Ngai-Mûnene nîwaverithirie andû a îtûûra rîu wanao na agîtûma mamake mûno. Ngai-Mûnene aamaverithirie onthe kwambîrîria mwana nginya mûndû mûgima na njîra ya gûtûma magîe na nyimba mîîrîrî yao.

1Sam 6:8

Na mwoce îthandûkû rîa kîrîkanîro rîa Ngai-Mûnene na mûrîîkîre gîkaarirî kîu na mwîkîre tûnyamû twa thaavu kathandûkûrî na mûkaigîrîre mwenarî warîo. Tûnyamû tûu nîtuo tûrîa mûkûvirîra Ngai-Mûnene kîrî kîveo nîûndû wa mevia menyu. Na mûrekererie gîkaari kîthiî kîrî wa kîo kîene.