1Sam 6:20 - ÎVUKU RÎA ÛVORO MWARO

²⁰ Kwoguo andû a Bethi-shemeshu nîmaaûririe atîrî, “Nî ûrîkû ûngîvota kûrûngama mbere ya Ngai-Mûnene. Ngai ûyû mûtheru? Nîtûmûvira kû nîguo atûthengutîre?”

1Sam 6:20 ပူးပေါင်းရင်းမြစ်များ

2Sam 6:7

Nake Ngai-Mûnene nîwarakarirue nî Uza na akîmûraga nîûndû wa gûturîra îthandûkû rîa kîrîkanîro gîtîîo. Uza aakwîrîre vau vakuvî na îthandûkû rîa kîrîkanîro Kîam Ngai.

2Sam 6:9

Nake Daudi nîwegwire guoya nîûndû wa Ngai-Mûnene na akiuga atîrî, “Rîu nîngîvota kûthiî na Îthandûkû rîa Ngai-Mûnene gwakwa atîa?”

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Alawi 11:44

Nie nînie Ngai-Mûnene, Ngai wenyu na nwanginya mwîkare mûrî atheru nîûndû nîrî mûtheru.

Alawi 11:45

Nînie Ngai-Mûnene ûrîa wamûrutire vûrûrirî wa Misiri nîguo nduîke Ngai wenyu. Kwoguo nwanginya mwîthîrwe mûrî atheru nîûndû Nie nîrî mûtheru.”

Malaki 3:2

Nwatî nîûrîkû ûkavota kûmîrîria mûthenya ûrîa agaûka? Nîûrîkû ûkaûmîrîria vîndî îrîa akeyumîria? Nîûndû ke ekariî ta mwaki mûnene ûrîa ûtheragia cuuma, kana ta thabuni îrî na vinya îrîa îthambagia nguo ikathera mûno.

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Luka 8:37

Nao andû onthe a vûrûri ûcio wa Agadarenesi nîmaathaithire Jesû aume kûu kwao nîûndû o nî meegwire guoya nyîngî. Kwoguo Jesû nîwatwîre gatarûrî na agîcoka kûrîa aaumîte.

Kûguû 6:17

Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”

1Sam 5:7

Na rîrîa andû a Ashidodi moonire ûrîa maûndû maathiîre na mbere magîkîkaga nîmaaugire atîrî, “Ngai wa Aisiraeli nîkwa aratûverithia vamwe na Dagoni, ngai yetû. Na nîûndû wa ûguo, tue tûtingîtîkîra îthandûkû rîa Kîrîkanîro rîa Ngai wa Isiraeli rîîkare gwetû rîngî.”