1Sam 6:2 - ÎVUKU RÎA ÛVORO MWARO

² Afilisiti nîmeetire athînjîri-ngai ciao na aragûri na makîmaûria atîrî, “Nîtwîka atîa na îthandûkû rîa Kîrîkanîro rîa Ngai-Mûnene? Ta twîreni nîtûrîcokia kûrîa riumîte na ndûî?”

1Sam 6:2 ပူးပေါင်းရင်းမြစ်များ

Kîam 41:8

Kîraûko, mûthamaki aarî mûtangîku mûno ngororî yake. Kwoguo nîwatûmanîre aringi ciama onthe na andû onthe aûgî a vûrûri wa Misiri. Mûthamaki nîwamerire iroto irîa aarotete, nwatî gûtirî mûndû wavotire gûitaûra.

Ntha 7:11

Nake mûthamaki nîwetire andû ake arîa aûgî na aringi ciama. Nao nîmaaringire ciama wata Aroni.

Isaia 2:6

Rîu we Ngai, nîûtiganîrîtie andû aku, njiarwa cia Jakovu, nîûndû aringi a mbûgû kuuma mwena wa îrathîro mecûrîte kwao, na oni maûndû ta Afilisiti, na nîmanyitanagîra na andû ageni.

Danieli 2:2

Mûthamaki nîwathanire Akalidei onthe arîa maarî aringi ciama, ooni maûndû, aragûri, na arogi, mathiî mamûtaûrîre kîroto kîu gîake. Kwoguo nîmaatonyire kwa Mûthamaki na makîrûgama mbere yake.

Danieli 5:7

Nîwanîrîre na mûgambo mûnene akiuga aringi ciama, aragûri na andû arîa maarî na ûûgî wa njata mavirwe gwake. Rîrîa maakinyire, mûthamaki nîwamerire atîrî, “Mûndû ûrîa ûkûthoma mandîko mama, na ambîre ûrîa maugîte, nîagwîkîrwa nguo cia njambarawe, na acurue mûkathî wa thaavu ngingorî yake na ethîrwe arî wa kathatû ngathîrî ya wathani wa vûrûri.”

Mathaayo 2:4

Nake Herode nîwetire anene a athînjîri-Ngai na arimû a Watho vamwe. Na rîrîa maagomanire, nîwamaûririe atîrî, “Mesaya agaaciarîrwa kû?”

1Sam 5:8

Kwoguo nîmaatûmire anjaama mathiî magete athamaki onthe atano a Afilisiti maûke vamwe. Nao nîmaaûririe athamaki acio atîrî, “Rîu nîtwîka atîa na îthandûkû rîrî rîa Kîrîkanîro rîa Ngai wa Isiraeli?” Nao athamaki makiuga atîrî, “Ocani Îthandûkû rîa Ngai wa Isiraeli na mûrîvire Gathu.” Kwoguo nîmaakuire îthandûkû rîa Ngai wa Isiraeli na makîrîvira Gathu; Gathu rîarî îtûûra rîngî rîa kûu Filisiti.

1Sam 6:1

Vuva wa îthandûkû rîa Kîrîkanîro rîa Ngai-Mûnene gwîkara vûrûrirî wa Filisiti îvinda rîa mîeri mûgwanja,