1Sam 6:15 - ÎVUKU RÎA ÛVORO MWARO

¹⁵ Nao Alawi nîmaarutire îthandûkû rîa kîrîkanîro rîa Ngai-Mûnene gîkaarirî, vamwe na kathandûkû karîa kaarî na tûnyamû twa thaavu ndaarî na makîmaigîrîra îgûrû rîa îthiga rîu înene. Naguo mûthenya ûcio, andû a Bethishemeshi nîmaategere Ngai-Mûnene kîgongoona gîa kûvîvua wana magongoona marîa mengî.

1Sam 6:15 ပူးပေါင်းရင်းမြစ်များ

Josh 15:10

Nîwacokete ûkîthiûrûrûka Baali na mwena wa îthûîro ûkîthiî werekerete vûrûri ûrîa ûrî irîma wa Edomu na ûkîvîtûkîra mwena wa rûgûrû wa kîrîma Kîam Jearimu (kana Kesaloni) na ûkînyûrûrûkîra Bethishemeshi na Timina.

Josh 3:3

makîmeeraga atîrî, “Vîndî îrîa mûkoona athînjîri-Ngai Alawi makuuîte îthandûkû rîa kîrîkanîro Kîam Ngai-Mûnene Ngai wenyu, mûgaaûkîra muume kûu mwambîte magema mûrîrûmîrîre.

1Sam 6:18

Wanacio ngaara cia thaavu nîciavirirwe matûûrarî monthe matano marîa maathagwa nî athamaki atano a Filisiti. Wa ngaara îmwe ya thaavu îkîvirwa îtûûrarî rîmwe. Nacio ciavirirwe matûûrarî marîa maarî mairigîre, wana icagirî kûrîa gûtaarî na nthingo. Narîo îthiga rîu înene rîrîa maaigîrîre îthandûkû rîa kîrîkanîro rîa Ngai-Mûnene mûgûndarî wa Joshua kûu Bethi-shemeshu, rîrîvo nginya ûmûnthî na nîrîonanagia ûrîa gwekîkire.