1Sam 5:3 - ÎVUKU RÎA ÛVORO MWARO

³ Nao andû a Ashidodi maramûka kîraûko tene mûthenya ûcio wîngî, makîthîra mûvuanano ûcio wa Dagoni ûmamîte nthî na îvu namo metho mayo maturumîte nthî vau mbere ya Îthandûkû rîa Kîrîkanîro rîa Ngai-Mûnene. Kwoguo nîmaamîocire na makîmîrûngamia varîa yethagîrwa îrî.

1Sam 5:3 ပူးပေါင်းရင်းမြစ်များ

1Atha 18:26

Nao arathi acio nîmoocire ndegwa îo maanengerirwe, makîmîvarîria na magîta Baali kuuma kîraûko nginya thaa thita cia mûthenya makiugaga atîrî, “We Baali, twîgue!” Nao nîmaainaga makîrûgarûgaga mathiûrûrûkîrîtie metha ya kîgongoona îrîa maatumîte, nwatî matiegua wanarî mûgambo kana macokio.

Thaburi 115:7

Irî na njara, nwatî itivutavutagia, irî na magûrû, nwatî itithiîcaga; na itirutaga mûgambo.

Thaburi 97:7

Andû onthe arîa magoocaga mîvuanano nî maconorithagua, arîa metîîaga na ngai cia maveeni; ngai cionthe ciînamagîrîria nthî ikagooca Ngai-Mûnene.

Ntha 12:12

“Ûtukû ûcio nie nîngaavîtûkîrîra vûrûri wa Misiri na mbûrage marikithathi monthe ma njamba, ma andû wana ma nyamû, na mverithie ngai cionthe cia Misiri. Nie nî nie Ngai-Mûnene.

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Isaia 40:20

Mûndû ûrîa mûthîni athuuraga mûtî ûrîa ûtangîora. Nîacokaga agacaria mûndû ûrî na wara wa kumia, na akamumîria mûvuanano ûrîa ûtangîgwa.

Isaia 41:7

Mûtumi wa indo cia mbaû nîaraûmîrîria, mûturi wa indo cia thaavu, nake mûndû ûrîa ûnyorokagia mûvuanano na nyondo, nîaraûmîrîria mûndû ûrîa ûûnyitithanagia na mîcumarî. Onthe marauga atîrî: ‘Mûvuanano ûcio nî mwaro,’ nao nîmaranyitithania mûvuanano ûcio na mîcumarî, na akaûnyinyia mûno nîguo ndûkagwe.

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Jeremia 10:8

Onthe nî irimû na nîaritu; kîrîra Kîam mîvuanano nî Kîam mana!

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.

Maariko 3:11

Na rîrîa rîonthe ngoma ciamwonaga, nîcietungumanagia nthî mbere yake na ikîmugagîrîria atîrî, “We nîwe Mûriû wa Ngai!”

1Sam 6:1

Vuva wa îthandûkû rîa Kîrîkanîro rîa Ngai-Mûnene gwîkara vûrûrirî wa Filisiti îvinda rîa mîeri mûgwanja,

1Sam 6:5

Kwoguo nwanginya mue mûthondeke mîvuanano îno ya nyimba na ngaara cienyu irîa icûkagia vûrûri wenyu, na mûgoocithie Ngai wa Isiraeli. Ke avota gûtiga kûmûverithia, ngai cienyu wana vûrûri wenyu.