1Sam 5:10 - ÎVUKU RÎA ÛVORO MWARO

¹⁰ Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”

1Sam 5:10 ပူးပေါင်းရင်းမြစ်များ

2Sam 7:9

Mbîthîrîtwe nîrî nawe kûrîa kuonthe wanathiî, na ngakûvootanîra kûrî nthû ciaku cionthe. Nîngûtûma ûgîe na îgweta wata atongoria a gûkû nthî arîa marî îgweta mûno.

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

1Maû 7:21

Mûvîcî wa Tahathi eetagwa Zabadi, mûvîcî wa Zabadi eetagwa Shuthela. Efiraimu aarî na avîcî engî aîrî meetagwa, Ezeri na Eleadi. Ezeri na Eleadi nîmaaûragîtwe nî andû arîa maatûûraga Gathu mathiî kwîa ndîthia ciao.

Amosi 1:8

Nîngaathengutia andû arîa matûûraga Ashidodi, mverithie mûnene wa Ashikeroni. Nîngaaverithia îtûûra rîa Ekironi, na Afilisiti onthe arîa maatigarîte nîmagaakua.”

Amosi 6:2

Tathiîni îtûûra rîa Kaline mûkeyonere, na mûthiî îtûûrarî înene rîa Hamathi, na mûnyûrûrûke mûkinye îtûûrarî rîa Gathu vûrûrirî wa a Filisiti. Nîkwa maarî maro gûkîra mothamaki mama, kana nîkwa vûrûri wao ûrî mûnene gûkîra wenyu?

Josh 13:3

wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu,

Josh 15:11

Nîwacokire ûkîvîtûka Timina na ûkathiî nginya îriarî rîa Mediterania. Mbere ya ûkinya îriarî rîa Mediterania nîwavîtûkîrîrîte kîrîmarî îgûrû kîrîa kîrî mwena wa rûgûrû wa Ekironi, nîwegatire ûthiîrîrîte Shikeroni, kîrîmarî Kîam Baali na ûkîthiî ûgîkinya Jamunia na ûkîthirîra îriarî rîa Mediterania.

Josh 15:45

Îtûûra înene rîa Ekironi na matûûra manini na icagi irîa ciarî vakuvî na îtûûra rîu,

Atir 1:18

Andû a mûvîrîga wa Juda nîmaavootire matûûra ma Gaza, Ashikeloni, Ekironi na mavûrûri marîa maamathiûrûrûkîrîtie.

1Sam 17:52

Nao andû a Isiraeli na Juda nîmaathiîre makiugagîrîria na makîngata Afilisiti, makîmakinyia nginya Gathu na ivingorî cia Ekironi. Afilisiti arîa maativangîtue maagûcaga njîrarî kuuma Sha-araimu nginya Gathu na Ekironi.

1Sam 5:11

Nakuo kûu îtûûrarî rîu rîonthe kwarî na kîmako kînene mûno nîûndû Ngai nîwamaverithagia mûno. Kwoguo nîmaatûmanire na makiuga athamaki onthe a Filisiti metwe maûke vamwe rîngî. Nao nîmeerire athamaki atîrî, “Rutani Îthandûkû rîrî rîa Kîrîkanîro rîa Ngai wa Isiraeli gûkû na mûrîcokie varîa rîagîrîrwe nî kwîthîrwa rîrî, nîguo rîtigatûûrage vamwe na andû a mîciî yetû.”

1Sam 5:9

Nwatî vuva wa kûrîkinyia kuo, Ngai-Mûnene nîwaverithirie andû a îtûûra rîu wanao na agîtûma mamake mûno. Ngai-Mûnene aamaverithirie onthe kwambîrîria mwana nginya mûndû mûgima na njîra ya gûtûma magîe na nyimba mîîrîrî yao.

1Sam 6:1

Vuva wa îthandûkû rîa Kîrîkanîro rîa Ngai-Mûnene gwîkara vûrûrirî wa Filisiti îvinda rîa mîeri mûgwanja,