1Sam 4:2 - ÎVUKU RÎA ÛVORO MWARO

² Nao Afilisiti nîmaathithûkîre Aisiraeli na makîambîrîria kûrûa nao. Na vuva wa kûrûa mbaara ndito Afilisiti nîmaavootire Aisiraeli na makîûragîra Aisiraeli ta ngiri inya kûu mbaararî îo.

1Sam 4:2 ပူးပေါင်းရင်းမြစ်များ

Maca 3:40

Tigani twîthime na tûtuîrie mîthiîre yetû, na tûcokerere Ngai-Mûnene.

Alawi 26:37

Mûkaavîngîcanaga mue ene takwa mûrîte mûtikaûragwe vîndî îrîa gûtarî mûndû ûmûvinyûrîtie, na mûtikaavota kûrûa na nthû cienyu.

Ndari 14:45

Nao Amaleki na Akanaani arîa maatûûraga vûrûrirî ûcio nîmaamatharîkîre makîmavoota na makîmavinyûria nginya Horima.

Josh 7:12

Kwoguo andû a Isiraeli matingîvota gweterera nditi ya nthû ciao, nwa maûrire nîûndû o nîmetuîte a gûcûkangua. Nie ndingîmûtethia rîngî, nwamwambire gûcûkangia indo icio mûrî nacio irîa mwerirwe mûtigaikuue.

1Sam 17:21

Nao athigari a Filisiti na a Isiraeli nîmeerekanîre mevarîrîtie nîguo marûe.

1Sam 17:8

Goliathu nîwarûngamire na akiugîrîria athigari a Isiraeli na akîmeera atîrî, “Mûkîte kûrûa mbaara nîkî? Nie nî Mûfilisiti namue mwî ndungata cia Saûlo! Thuurani mûndû ûmwe gatagatîrî kenyu aûke tûrûe nake.

1Sam 4:1

Vîndî îo Aisiraeli nîmaaumagarire na makîthiî kûrûa na Afilisiti; Kwoguo Aisiraeli nîmaambire magema mao kûu Ebeneza, nao Afilisiti makîamba magema mao kûu Afeku.

1Sam 4:10

Kwoguo Afilisiti nîmaarûire na kîîo na makîvoota Aisiraeli. Nao Aisiraeli nîmaathiîre mîciî kwao mavinyûrîte. Nakuo nîkwarî na ûûragani mwîngî mûno, na athigari ngiri mîrongo îthatû a Isiraeli nîmaaûragirwe.

1Sam 4:3

Na rîrîa andû arîa maatigarire maacokire varîa maambîte magema mao, athuuri a Isiraeli nîmaaûranirie atîrî, “Nî ndûî gîatûma Ngai-Mûnene atûrekereria tûvootwe nî Afilisiti ûmûnthî? Tûthiîni tûoce îthandûkû rîa kîrîkanîro rîa Ngai-Mûnene kuuma Shilo tûke narîo gûkû, nîguo tûthiî nake agatûvonokie kuuma kûrî nthû cietû.”